Om die geslag van ’n pasgebore kuiken te identifiseer, is moeilik. In teenstelling met die meeste ander diere is die geslagsorgane van hoenders binne-in hul liggame geleë en dit is nie maklik om tussen manlike en vroulike geslagsdele te onderskei nie.
Daar is ’n paar mites oor die geslagsbepaling van hoenders, byvoorbeeld dat die geslag van ’n kuiken bepaal kan word deur ’n naald op ’n tou oor die hoender se kop te hou.
Dit word geglo dat as die kuiken manlik is, sal die gewig kloksgewys roteer en as dit vroulik is, sal dit anti-kloksgewys draai. ’n Ander mite is dat jy ’n kuiken by die nekvel kan vashou en as die bene lig, is die geslag vroulik, maar as die bene hang, is die geslag manlik.
’n Ander mite is dat die geslag bepaal kan word deur na die vorm van die eier te kyk. Volgens die mite huisves sokkerbalvormige eiers manlike kuikens, terwyl ovaal of ronde eiers vroulike kuikens huisves.
Hierdie metodes is egter so akkuraat soos om ’n muntstuk te gooi om die geslag van pluimvee te bepaal. Die kans dat jy die geslag korrek identifiseer, sal effens hoër wees as jy ’n inherente gelukkige persoon is.
Die mees akkurate manier om die geslag van pluimvee te bepaal, is deur veergeslagsbepaling, kloaakmondgeslagbepaling en deur te wag en te sien. Ander, meer gespesialiseerde metodes word ook ontwikkel om die geslag in die eiers te identifiseer, maar die meeste hiervan is steeds baie duur en vereis hoogs gespesialiseerde prosedures.
Veergeslagbepaling
Die kleure van sommige rasse en hibriede tipes kan ook die geslag van die pluimvee aandui. As henne met swart en wit gestreepte vere met hane wat nie gestreep is nie paar, sal die hane gestreep uitkom en die henne sonder strepe.
Dieselfde kan met silwer- en goue kleurpatrone gedoen word. Silwer hane en goue henne sal wit, romige of leisteenkleurige jong henne en bruin of rooi gekleurde haantjies produseer. Goue hane op silwer henne, aan die ander kant, sal goue jong henne en silwer haantjies produseer.
Kloaakmondgeslagsbepaling
Kloaakmondgeslagbepaling is deur professor Kiyoshi Masui in Japan in die 1930's ontwikkel. Dit is ’n hoogs gespesialiseerde prosedure waardeur die kloaakmond van die hoender visueel ondersoek word vir die teenwoordigheid of afwesigheid van ’n geslagsorgaan wat basies soos ’n ronding lyk. Daar is blykbaar meer as vyftien verskillende vorms om te oorweeg.Professionele geslagbepalers kan binne sekondes die geslag van kuikens identifiseer met ’n akkuraatheidsvlak van 90% tot 95%. Die akkuraatheidsvlak van opgeleide, maar nie-professionele persone is gewoonlik onder 70%. Amateurs moet hierdie metode beslis nie probeer nie. Wanneer dit verkeerd gedoen word, kan dit hoender ontwei en dood van kuikens veroorsaak.
Wag en Sien
- meer manlik begin optree en probeer kraai
- hulle vere sal van die ronde, ovaalvormige vere, wat algemeen vir hoenders en jong voëls is, verander na blink, smal en spitse vere wat op hul nekke en aan die basis van hul sterte gevind word
- hul kamme en kroppe sal vroeër ontwikkel en groter word as dié van die henne
- die koppe sal meer hoekig en manlik word
- sekere rasse het ook ’n kenmerkende kleurpatroon wat help om hulle te identifiseer.
Translated by Nina Joubert