Naam
Silwervos [Vulpes Chama]Voorkoms
Die enigste ware vos en die kleinste kanied in Suid-Afrika. Die silwervos is silwergrys van kleur met groot gepunte ore. Hulle is donker gekleur om die mond. Volwassenes meet 350 mm by die skouers en het 'n gewig van 2,5-3 kg. Besonder rats weens die bosagtige stert wat help om balans te behou wanneer die silwervos vining koes en weef deur die landskap.Dieet
Die silwervos leef van insekte, muise en ander klein diertjies. Hulle vreet soms vrugte of dooie diere in boerderygebiede.Teling
Die silwervos is 'n seisoenale teler wat in die vroeë somer geboorte gee aan tussen een en vyf kleintjies na 'n dragtigheidsperiode van 51-52 dae.Gedrag
Die silwervos is hoofsaaklik naglewend. Sy sosiale stelsel word nie goed verstaan nie, maar dit wil voorkom asof hy monogaam is, soos ander kaniede.Waar hulle voorkom
Bewoon hoofsaaklik oop land, van oop grasveldvlaktes met kolle struike tot halfwoestyngebiede, ook in Kaapse fynbos. Bewoon graag die grasveld rondom waterpanne. Wydverspreid in Suid-Afrika, die meeste dele van die Wes- en Noord-Kaap provinsies, die Oos-Kaap (uitgesonderd die suidoostelike kant), die Vrystaat, Wes-en Noordwes-KwaZulu-Natal en die Noordwes-provinsie. Ook in Lesotho.Vitale Statistieke
Gewig (Vroulik): 2,5 kgGewig (Manlik): 2,8 kg
Lengte (Vroulik): 94 cm
Lengte (Manlik): 94 cm
Dragtigheidsperiode: 52 dae
Aantal kleintjies: 1 - 5 kleintjies
Orde: Carnivora
Familie: Canidae
Teling: 1 - 5 jonges word gebore tussen Oktober - November na 'n dragtigheidsperiode van ± 2 maande. Die wyfie het een paar lies- en 2 paar abdominale tepels.