Siku ra ntolovelo ra President Mandela

© Eric Miller

A Pfuka hi Mahlamba Ndlopfu

President Mandela a sungula siku ra yena wahari mixo swinene kwalomu kava 5:30 am — nkarhi wun’wana a hubuta kutlula kwalano aswiya hi yena— a songa minkumba yakwe loko anga se endla vuti olori kuringana 30 wa timinete. Aswingari na mhaka yaku ule Cape Town kumbe Pretoria, a fika e hofisini yakwe loko kahaku ba awara ya 7 leswaku ata languta mapapila yo huma eka vaseketeri vakwe.

Kwalomu ka 50 wa mapapila na 45 wa tinqingho aswi fika e hofisini yakwe hi siku, naswona 90% wa mapapila lawa ay fanele ku hlamuriwa. Kwalomu ka 10% aya fambelana na swivilelo swa vanhu kuya hi xiyimo xa tiko na milawu ya rona kumbe leyi ayi lava ku endliwa, swirhambo, swikombelo swa nkarhi wakwe swo sayina ti autographs kumbe kupfuna ka yena eka kukuma mintirho ya vutsari.

Papila ra Museketeri wa Mandela

Mapapila lawa kumekeke ayari ya xinghana, hi xitalo yari na malwandla. Xikombiso xa rinwana leri rhumeriweke e hofisi yakwe ya ANC e Shell House Johannesburg — mupfuni wa yena anga boxangi leswaku ari huma ka mani handle ko hlamusela leswaku akuri wansati wa vito ra Afrikaans — Email to President@ANC.org.za Kusuka: Mrs — Kuya eka:

The President Nhlokomhaka: WENA U nhenha!!!!!! Mahungu yanwana yaku: “.....basikiti ya rirhandzu.’ “.....Oops! Sori ndzi khomeli kuva ndzi nga vulangi ku happy birthday …” "Hi amukela hinkwaswo leswi uswi rndleke eka ndzinganelo laha misaveni. " Mahungu yan’wana kusuka eka ndyangu wun’wana e Seattle, Washington, e United States ya hundzisa "kunavelela lokunene" kuya eka President xikan’we no ngetelela, "Hatshemba uta hi vhakela nkarhi lowutaka loko uta e Seattle".

Mahungu yotala aya langutane na swiphiqo swa tiko ra Afrika Dzonga eka madzolonga lawa ayari kona e tikweni, hungu leri ari tshama riri ekuteni himinkarhi. Yan’wana aya langutana na nawu waku humesa ndhwalo hivaka manana xikan’we na swivutiso swa mayelana na tipolotiki.

Yan’wana ayanga kongomisiwangi kahle, kufana na rin’wana leri ari sola President Mandela kuva a hlasela vanhu lava rhandzanaka vari va rimbewu rin’we. Swilerivaleni leswaku ari kongomisiwe eka President wa tiko ra Zimbabwe nkulukumba Robert Mugabe naswona rihundzisiwile tani himfanelo. Mapapila hinkwawo ya hlamuriwile.

Tinhlengeletano, Mbulavulo na Mintlangu

Hi awara ya 8 am tinhlengeletano ta President ati sungula, hi mimbulavulo kusuka eka vaholobye van’wana kumbe vatirhela mfumo na minjhekanjhekisano na swirho swa vaaki. Leswi aswi tala ku hela hi 12:45 pm laha ata kuma swakudya swana nhlekani, leswi aswi vuriwa lunch.

President anga tsakeli kudya nyama yotshuka(hambi leswi a rhandza ku vhakela e makaya yale Transkei na tindzhawu tinwana laha a tshama arikarhi a hlangana na yona eka swakudya hinkwaswo).

A tsakela ngopfu ti salads na mihandzu ya furexe laha angatsakeli swakudya swale swikoteleni. Nhlekani wa yena awuta helele eka tinhlengeletano, ti press conferences kumbe mintlangu kasi madyambu wona aya talele hi mintlangu, swakudya swa madyambu kumbe nhlengeletano. Nkarhi wakwe wo wisa akuri 9:30 kumbe 11 pm naswona aswiya hi siku leswaku ritshamise kuyini.

Ari na matimba swinene no kota kutirha kahle akarhi a landzelela swileriso swa rihanyu ra yena loko arikarhi a endla mintirho yakwe. Siku rinwana u endle filimi, "A Day in the Life of the President" fleyi ayi endlela Weekly Mail TV production unit, apfukile loko 5 am aha rhongomela laha anga huma e Umtata Airport e Transkei hi 5:30.

Endzhaku kaloko atava adye swakudya swa nimixo endzeni ka xihaha mpfhuka usungule kulangutisa mapapila yakwe e Union Buildings hi 7:10 ni mixo.

Siku rero u hahile kuya e Cape Town ni ndzhengha laha aya eka ntlangu lowu awurikona madyambu yalawo e Neethlingshof wine estate e Stellenbosch loko angase vuyela e kaya kakwe e Houghton, Johannesburg, naswona aya wisa hi 11 pm. Leyi akuri migingiriko leyi ayitava yikotiwe hi wanuna loyi aha tsakamaka.

Translated by Ike Ngobeni