Vito
YingweVito ra xi Latin
Panthera pardusXivumbeko
Yingwe yina mavala ya ntima lawa yanga longoloka hi xivumbeko xa mabilomu yati roses, laha yanga hlanganisiwa na muhlovo wa xitshopani kuya eka nsuku endzhaku. Yitlhela yiva na vala rin’we rantima emilengeni nale nhlokweni. Ncila wa kona iwobasa lowungana vala ehansi ka wona. Ximanga lexi xikulu xitlhela xibumbula ku tlula Cheetah. Nhloko yayona na kuleha ka miri swifika eka 1.6 – 2.1 m, naswona ncila wukwalomu ka 0.68-1.1 m.Yingwe ya xisati yintsongo nyana naswona yitika exikarhi ka 17-60 Kg kasi ya xinuna yona yitika exikarhi ka 20-90 Kg. Loko yiyimile hiku leha yifika eka 700-800 mm hi laha makatleni. Xihari lexi xihlotaka na vusiku ixavumbirhi hikukula eka swimanga swa Afrika.
Swakudya
Swakudya swohambana hiswona swiendlaka leswaku Yingwe yikota kuva yi etlela yixurhile. Hambi leswi tiyingwe ti hanyaka hi swipene na timhunti, titiveka nakutlhela ti hanya hi nyama ya Hyrax, mfenhe, nhleti, hlampfi na swikokovi. Kutlhela kuvikiwa leswaku Yingwe yaswikota kuva yi hanya hi tinjiya na vusokoti hinkarhi lowu swakudya swikalaka. Yingwe yikota nakuva yi hanya kahle nale ka tindzhawu letinga handle ka madoroba nale makaya.Kutswalana
Vana vatswariwa eka nkarhi wihi na wihi wa lembe tani hileswi tinga yimeleki nguva kuva titswala. Vana va yingwe vatswariwa endzhaku kaloko yitava yi tike kuringana tinhweti tinharhu na hafu naswona leya xisati yitswala vana vambirhi kumbe vanharhu, lava vatumbetiwaka enkeleni kumbe eswihlahleni leswinga tlhuma. Leya xisati yi hlayisa hi vukheta kutumbeta vbana leswaku vanga dlayiwi hi swiharhi swinwana kufana na tinghala, Cheetah na Hyena, leswinga ti tlonyaka hiku kuma swakudya swa vana lava. Vana vatshama na mhani wa vona kuringana lembe rin’we, laha hinkarhi walowo vadyondzaka tindlela to hanya no hlota nakuva va hanya varivoxe enhoveni.Mahanyelo
Tiyingwe titshama titumberile na nhlekani naswona ti hlota navusiku, hambi leswi tinwana tikotaka naku hlota na nhlekani. Ndlela ya tona yohlota yikatsa ku landzelela xikanwe no juma, laha yidlayaka swiharhi hikuva yi swikhoma hinkolo leswi tlimbaka swiharhi leswikulu. Swihadyana leswintsongo swona swilumiwa laha endzhaku ka nhamu laha kufambaka spinal cord. Yingwe yi yevula dzovo kusungula loko yinga se dya ngopfu ngopfu eka tinyama letinga vevuka.Nyama leyisalaka na swalendzeni swifunengetiwa hi byasi na misava. Swiharhi leswi swikota ngopfu ku khandziya misinya loko kuri na mphikizano wa nyama na swiharhi swinwana laha yingwe yitekaka nyama yikhandziya nsinya yiya dyela kona. Yingwe ya xinuna yi sirhelela ndzhawu ya tonal aha kuvaka kuri na leyi ya xisati na vana. Leyi ya xisati yati lwela eka tinwana ta xisati.
Vutshamo
Yingwe yikota ku kondzelela swiyimo swohambana hambana swa maxelo naswona yitshama eka tindzhawu totala. Yikumeka eka tindzhawu tale kusuhi na le lwandle kuya eka 2000 m e henhla ka lwandle enhoveni, mananga, ndzhawu yoka yingari ya mananga ngopfu, endzhawini yotlhuma, tintshaveni, laha kungana mintsandza nalaha kunga na maribye. Ati hanyi ngopfu hi mati lawa yangale hansi.Xiharhi lexi xilava nsirhelelo wotani hi ndzhawu leyinga tlhuma swinene kumbe maribye lawakulu. Hambi leswi tinga hunguteka hi nhlayo eka malembe yo hlaya, Tiyingwe taha kumeka nale tintshaveni nalaha kunga tlhuma enhoveni hinkwako laha Afrika Dzonga, ehandle ka laha kungana mapurasi yale xikarhi.