Cormorants

Cormorants.

Xivumbeko

Hikokwalaho ka muhlovo wa rona lowa ntima, Ghumba ritala kuvitaniwa sea crows. Hambi leswi Ghumba rivonakaka riri ra ntima, loko uri langutela ekusuhi switikomba kahle leswakurova na nkatsakanyo wa mihlovo yo dzwihala laha kunga na rihlaza, violet na bronze. Laha switswalelaka kona, swinyenyani leswi swale lwandle swina mihlovo hlovo yo hatimela yo hambana hambana laha ematihlweni ya xona na le nkolweni. Ghumba rina swingala ngala laha hansi ka nkolo leri tirhaka swotala.
Swingala ngala leswi switirhisiwa ku khoma swakudya nova swipfuneta kutikufumeta hinguva ya kutswala. Mihlovo leyi yo vonikela swinene yitirha tani hi xikombiso xaleswaku xinyenyani lexi xina muhlekisani wa xona. Ghumba rikwalomu ka kusukela ka 63 kuya ka 101 cm hi kuleha , naswona swinyenyani leswi swale lwandle swilehile swilala switlhela swiva na nomo wo khotseka. Hambi leswi milenge ya swona leyo leha yi endlaka leswaku swifamba emahlweni hiku hlambela, swona aswi koti ngompfu ku famba.
Tani hileswi swingana milenge yo leha, switala kutifayela matandza ya swona hi xihoxo. Leswi swiendlaka leswaku xinyenyani lexi xikota ngopfu kuhlambela, swiendla leswaku kuhaha ka xona swikhumbheka. Kukula no tiyela eka milenge ya xona yiendla leswaku kuhlambela swi olova swinenen eka xinyenyani lexi kambe swixitikisela eka ku haha kukatsa naleswi tipapa ta xona tinga vumbekisa xiswona. I swihlawulekisi leswi leswi endlaka leswaku xitshama ekusuhi swinene na timintsu ta xona, aswifambeli kule na lwandle.

Swakudya

Xikumeka hinkwako laha kungana mati yo tenga na lawa yanga na munyu kasi swakudya swa xona swikatsa tinhlampfi na swinwana swihadyani swale matini.

Kutswalana

Xitshikela kwalomu ka 3-5 wa mandza, Mandza ya kona yana muhlovo wa wasi lawa ya tshikeleriwaka exisakeni lexi endliweke hi timhandzi kumbe mabyasi lawa yakumekaka etibuweni ta lwandle leti tekiwaka tiya endla xisaka ensinyeni kumbe emaribyeni. Xi aka xisaka xotiya swinene naswona xitshama xirikarhi xitirhisiwa xisaka lexi kuya himinkarhi.

Vutshamo

Tiva, milambu , swithomuthomu, nale lwandle

Laha xikumekaka kona

Ghumba rikumeka hinkwako laha kungana mati lawa yanga enta swinene.

Vito ra xi Latin

Phalacrocoracidae.