Beskrywing
Carignan is ‘n wyndruif met ‘n swart dop wat hoofsaaklik gebruik word om versnitte en enkelvariëteit wyne te maak. Die oorsprong van die variëteit is onseker.Oorsprong
Die variëteit is oorspronklik van Spanje en word vernoem na die dorp Cariñena in die Aragon provinsie. Dit is nog altyd verbou in die Languedoc Rousillon streek wat eers deel was van die Catalunya-Aragon koninkryk en toe deel geword het van Frankryk in 1659. Die area onder Carignan verbouing in Frankryk het aansienlik gegroei oor die jare, terwyl dit gekrimp het in Spanje.
Die variëteit het ‘n negatiewe reputasie in die 1970’s gekry toe Franse boere duisende hektaar Carignan geplant het weens sy hoë produksie-kapasiteit sodat hulle kon voordeel trek uit regeringsbystand wat bereken is op produksievolumes. Die gevolg was die produksie van biljoene liter swak gehalte Carignan wyn.
Die area onder Carignan verbouing in Frankryk het sedert 1990 grootliks gekrimp weens staatsinisiatiewe en daar is ook meer gefokus op die produksie van Carignan wyn van beter gehalte.
Ander Name
Die variëteit staan ook bekend as Carignane in die VSA; Carignano in Italië; Carignan noir in Frankryk en Tinto Mazuela of Samsó in Spanje.Verbouing in Suid-Afrika
In die 1920’s het Prof Abraham Izak Perold die hoop uitgespreek dat Carignan produksie in Suid-Afrika sal uitbrei weens die variëteit se vermoë om te floreer in droë klimate. Dit blyk dat produksie eers regtig begin het in die mid-1970’s, toe die Bassons van Die Slot in Perdeberg een van die eerste wingerde geplant het.
Charles Back van Fairview het himself gevestig as een van die beste produsente van Carignan enkelvariëteit wyne in die Nuwe Wêreld met sy Pegleg Carignan, gemaak van die bosstok-wingerde op Die Slot. Die wyn is vernoem na Cobus Basson wat sy been verloor het op die ouderdom van 17 nadat ‘n trekker omgeval en oor hom gerol het terwyl hy sy pa gehelp het in die Carignan wingerd.