Igama
I-Roan [Hippotragus equinus]Ukubukeka
Umzimba wale nyamazane umbala wayo ufana nowekhowe. Imilenze nobuso bayo kunsundu noma kube mnyama. Ubuso bayo obenza lesi silwani sahluke. I-Roan inamadlebe acijile.Bobubili ubulili balezi zilwane bunezimpondo ezigobile zibe wugqinsi ngasekudleni. eyesilisa inesisindo esiwu-270 kg ubude bayo ngu-1.4 m ukusuka ehlombe. Eyesifazane incane ngesisindo ngoba sisukela ku-170 kuye ku-210 kg ubude bayo wu-1.4 m kanti inomsila omude.
Adlani
I-Roan yinyamazane edla utshani, ngezinye izikhathi iye idle izithelo namakhambi. I-Roan ithanda utshani obude futhi obutholakala ezindaweni ezomile.Ukuzala
Lesi silwane asinankathi yokuzala kanti amazinyane aso azalwa emveni kwamasonto awu-40. Ngenyanga yalo yokuqala lizelwe izinyane, liye lifihlwe endaweni enezihlahla, uma selikhulile liye lihambe namanye amazinyane.Emasontweni ayisikhombisa ezelwe amazinyane, izinga lawo lokufa liba phezulu ngo-80%. Encwadini i-Red Data, i-Roan ibalwa njengesinye sezilwane ezisengozini.
Iphila Kanjani
Lesi silwane asinamahloni. Kuyo yonke imihlambi yalezi zilwane kunesesilisa esisodwa esiphethe.Lezi zilwane zijwayele ukuba matasa ekuseni.