Vito
Tamboti [Spirostachys africana]Nhlamuselo
Nsinya lowu wudzudza matluka naswona wuna xiyimo xale xikarhi, mahanti ya wona yatriyerile yatlhela yava ya ntima. Mafi lawa ya humaka eka nsinya lowu yahlohlonya loko ya hlangana na nhlonge kumbe matihlo. Ayatirhisiwi tani hi mafurha yosweka kambe ya onha swinene. Nsinya lowu wutisirhelela hi woxe eka vanhu hikuva swilo swotala swawona aswitirhisiwi hi vanhu.Mhala yawudya nsinya lowu kambe vahloti vatirhisa vukheta loko va khome nyama ya mhala laha kungana minsinya leyi laha vatiyisisaka leswaku swalendzeni asikhumbani na nyama yinene. Tihunyi ta nsinya lowu ita buraweni wodzwihala titlhela tiva na milayini yokarhi eka tona.
Tihunyi ta kona titiyile swinene nakutlhela tinuhela nuhelo wa kahle kambe woka wunga fani na Sandalwood.
Nuhelo lowu wuva kona nkarhi woleha endzhaku kaloko kutava kutsemiwe nsinya. Fenichara leyinga endliwa hi ntsandza wa nsinya lowu nawona wu nuherla kahle swinene lero na kamara leri yivaka eka yona yi nuhela nsinya lowu.
Mabilomu
Mabilomu ya nsinya lowu yava kona hi September naswona mbewu yakona yivakona hixivumbeko xa tinyungu tinharhu leti waka loko tikurile hi November ehenhla ka matluka loko ya wile. Loko wotshama e hansi ka nsinya lowu swaskoteka leswaku uta vona mbewu ya kona kumbe kuyitwa loko yi baleka.Loko wo teka mbewu leyi uyi veka endzelweni laha kungana dyambu leri hisaka swinene, kutlulatlula swiya emahlweni hi xiyimo xale henhla. Loko uteka upfula mbewu leyi ukuma lexi endlaka leswaku mbewu leyi yitlulatlula. Swifufunhunhu leswi endlaka leswaku mbewu leyi yicinacina xi hanya hi mbewu leyi loko yahari rihlaza.