Cape Otter
Vito
Cape otter (aonyx capensi)
Xivumbeko
Xihari lexi xa Cape otter axina minwala naswona xikwalomu ka 1.3 m hikuleha naswona xitika kwalomu ka 13 kg. Mavoya ya xona iya buraweni wodzhwihala, ehandle kale khwirini, marhama na nomo wale henhla laha kunga ko basa. Xihari lexi xina ncila wobumbula no koma. Xina swikun’wani swa 5 leswi pfumalaka min’wala eka nenge un’we, naswona, swikunwana swale ndzhaku swikhomanile kasi swale mahlweni swona aswi khomananga.
Swakudya swa Cape Otter
Xihadyani lexi xidya makheche, Cape otter yitlhela yidya tinhlampfi, switsotswani, swinyenyani, swikokovi, tihumba, lobsters, machela na swinwana swihadyani leswi mamaka.
Kutswalana ka Cape Otter
Endzhaku ko biha e mirini kuringana ka 60 kuya ka 65 wa masiku, nwana un’we kufika vanharhu hinkarhi. Akuna nguva wokarhi wakutswalana, kambe swiharhi leswi switswala nkarhi wunwana na wunwana wa lembe e Afrika Dzonga.
Mahanyelo ya Cape Otter
Xihari lexi xa Cape otter xihanya xoxe naswona axi khomeki loko xiri enhoveni. Vana vakona vatshama na vamhana vona, lava hanyaka tani himintlawa yoringana 8. Lexa xinuna axi tshami na leswa xisati naswona axi hoxi xandla eka ku kurisa vana. Xiharhi lexi xina vutlharhi swinene no kota kutlanga, leswi hinkwaswo swivonaka swinene eka Cape otter.
Vutshamo bya Cape Otter
Xihadyani lexi xitshama laha kungana mati yo tenga xikan’we nale lwandle, naswona xilava mati yo tenga leswaku xita kota ku hlantswa munyu lowu nghenaka eka voya bya xona.
Laha yi kumekaka kona
Xiharhi lexi xa Cape otter lexi pfumalaka min’wala xikumeka eka tindzhawu letingana timpfula totala tale vuxeni byale lwandle e Afrika Dzonga. Lexi i xihari xoka xinga tolovelekangiki naswona axikumeki lomu kunga oma kupfumalaka mati eka swiphemu swinwana swa tiko. Leswi xinga tarisa swona ekusuhi na lwandle swivikiwa kuva na xinwe eka ti kilometre timbirhi, na xinwe eka ti kilometre tinharhu e milambyeni.
