Bushbuck
Mbavala

© Roger de la Harpe

Vito

Mbavala

Xivumbeko

Timhondzo ta yona leto tontswa ti endla leswaku yiva nghozi swinene loko yivavisekile. Mbavala yina vuxaka lebyikulu na mhalamhala. Vana vayona valanguteka vasasekile swinene laha vanganavoya bya mpunwa, na mavala vala yo basa emilengeni kusuhi na swinondzwani. Hiku leha yile ka 700mm laha makatleni kasi yina ntiko wa 54kg. Vana vakona vantsongo kasi leya xisati yina muhlovo wo vonikela nyana yiva na mikhwalalati yo basa. Hinkwato ta xinuna na ta xisati tina swicoti coti swobasa emilengeni, tindleve, xilebvu,ncila, nhamu na le khwirini. Eka ta xinuna mavala lawa ya vonaka ngopfu loko yitilola kumbe yilava kulwa nyimpi.

Swakudya

Mbavala yitidyela byasi kambe aswitalanga. Yina ku langha ngopfu leswi yidyaka kambe loko xiyimo xitika yiboheka kudya byasi ku kota ku hanya.

Kutswalana

Kubiha emirini switeka 6-7 wa tinhweti laha leya xisati yikotaka kutswala kambirhi hilembe. Yitswala ngopfu himinkarhi ya timpfula nale ka tindzhawu leti kungaoma swinene. Loko yi heta kutswala, yi basisa nwana yihetelela hikudya xinkavani. Rhole ra kona ari jika jiki na vatswari nkarhi woleha kufika loko riri na mune watinhweti leswi endlaka leswaku rhole ritshama ritumbetiwile. Loko yiya mamisa rhole yidya na malongo yayona leswaku swiharhi leswinwani swinga switivi leswaku kuna rhole endhawini yaleyo. Rhole rikota kuya emasangwiniloko ririna 14 wa tinhweti. Kasi rhole rikota kuva rifikelela ku endla masangu loko riri na 11 wa tinhweti kambe riyima kufikela riva na malembe manharhu.

Mahanyelo

Yitala ku naveta swinene nimixo na loko dyambu riya ku peleni. Xirhandza kuhanya navusiku. Loko yichavisiwile yi etlela ehansi kumbe yitsutsuma yirikarhi yikolola. Loko yihlamarisiwile laha kunga pfuleka yi yima yinga tshukunyuki kambe yiringeta ku famba kantsongo yiza yikuma vutumbelo. Mbavala yitlhariha ngopfu navusiku kambe yikota no hanya kahle na nhlekani. Hafu ya siku ra mbavala rihela yiyime hi milenge yiri kudyeni. Loko ripela yidya yirikarhi yitshunela laha yitumbelaka kona kukondza rixa. Mbavala ayitiveki tani hixiharhi lexi xingana vundhawu kambe xitifambela xoxe laha xikotaka kutilwela hixona loko tibihile naku sirhelela vana naleti taxisati. Mbavala ayi rhandzi kutikuma yiri na swiharhi swinwani handle ko hlayisa vana.

Vutshamo

Yirhandza kutshama laha kunga na tintshava, ku tlhuma nale kusuhi na nambu leswaku yita kuma kona mati.

Laha yikumekaka kona

Mbavala yinyuma ngopfu naswona yikumeka hinkwako laha sub-Saharan Afrika. E East Afrika yakumeka kambe yakala swinene laha kunga pfuleka. Timbavala titsakela kutshama etindhawini tohambana hambana kuya hi mihlovo yatona. Timbavala letitshamaku laha kunga tlhuma tina muhlovo wodzwihala, leswivulaka leswaku yikota kutshama kunwani na kunwani kusuka ekusuhi na lwandle, ehenhla ka tintshava, laha kunga na timpfula nale mananga.

Leswi dlayaka

Mbavala yidlawa ngopfu hi tinghala, yinge, mhinsi na loko tiri kutsutsumeni, kambe loko yiri eku khombyeni leyi ya xinuna yatilwela yitlhela yiva na nghozi swinene. Hambi leswi timfenhe tidyaku swivanani swa tona, timbavala taha tlhela titshama ekusuhi natona minkarhi yinwani loko tirhwalela na mihandzu leyinga eminsinyeni.

Tinhlayo ta nkoka

Vito ra xi Latin: Tragelaphus Scriptus
Ntiko (Xisati): 30 - 36 kg
Ntiko (Xinuna): 40 - 77 kg
Ku tika/ Ku biha emirini: 6 wa tinhweti
Vana: 1
Kukula eka masangu: 11 - 14 wa tinhweti
Ntiko wotswariwa: 4 kg
Swakudya: Artiodactyla
Ndyangu: Bovidae
Timhondzo: 40 cm
Kutswalana: Yitswala nwana wunwe nkarhi wunwana na wunwana wa lembe endzhaku ko tika 6 watinhweti.
Nhlamuselo wa minkondzo: 4 - 5 cm hiku leha. Yibasa yitlhela yiva yintsongo eka ya Mhalamhala.