Nine-awned Grass
Lefielo
Leina
Lefielo
Leina La Se-Latin
Enneapogon cenchroides
Ditiriso
Ke tlhaga e ê thata e ê ka melang ka go kitlana kwa nageng, segolo thata morago ga komelelô le/kgotsa phulô e ê feteletseng. Lefielo ke mosemolodi o ô mosola o ô ka thopang le go sireletsa naga e ê petlekilweng.
Thanololo
Boleele jo bo fitlhang 1m. Matlhare le dithitô di apesitswe ke meritshana e e kitlaneng e le boleta. Thunya-kakaretso ke ngatana e e kitlaneng e le meritshana e ê isang go ntlhaneng e ê motsu, e bulegile kgotsa e funyetse. Dinoko di kitlane ka meritshana.
Tulo
Lefielo gantsi le mela kwa nageng e e petlekilweng. Le ka fitlhelwa gape go ikala le ditsela. Le mela thata mo mmung o ô motlhaba o le legwarapana mme le tlwaelegile kwa nageng tsa ditlhare tsa mophane le kwa kgaolong tsa letlapakalaka.
Thunyô
Sedimonthole – Motsheganong.
Dintlha Tlhagiso
Lefielo le fitlhelwa kwa borwa jwa Sahara, go tloga kwa Sudan borwa go tsenelela ka Afika Borwa. Ke mofuta wa tlhaga ya tshimololô e ê boleng ka gore e thibela go gogolega ga mmu mo dikarolong di le dintsi tsa kontinente – e kgona go melela ka pela mo mmung o ô petlekilweng le o ô sentsweng, segolo thata morago ga kômelelô le phulô e e feteletseng.
