Sigodzi Lesithulile
Nomnje lelidolobha le Vredefort lanika ligama lalo ku Dome, kuncane lokungakhanga tivakashi kulesigodzi lesithulile. Lasungulwa ngesikhatsi lesifanako ne Parys, ngoba kungavumelani phakatsi kwebakhi kanye nebanikati bendzawo, futsi kwakukhona kulwa phakatsi kwemadolobha lamabili. iVredefort yabekwa nga 1876 yase ibalidolobha nga 1881.Leligama, lelisho Fort yekuthula, inentfo yendzawo levela kiyo. Labanye batsi leligama lichaza kuthula lokwaviwa balimi bendzawo kulommango ngoba nyalo banelisontfo kulendzawo. Labanye batsemba kutsi kuhambelana nekungavumelani phakatsi kwemabhuni eTransvaal ne Free State, lokwacatululwa ngebrandy nema koeksuster epulazini lelidvutane.
iRiemland
Ekucaleni, labantfu base Vredefort bebayincenye yekutingela umnotfo lokwachubekela enyakatfo yase Free State lesenshonalanga. Lesisigodzi sabitwa ngekutsi yi Riemland, ngendzaba yatotonkhe letikhumba letakhokhwa kwentela kutingela. Muva, kulima kwatsatsa njengentfo lekunguyona yemnotfo yase iVredefort yenta sicumbi se grain silos ngaseceleni kwelidolobha.Namuhla, iVredefort itsatsa kuts yatiwa njenge 'mhlaba losukaphansi'; indzawo lapho iVredefort yangenela emhlabatsini kanye nesisusa se catastrophe yemhlaba wonkhe. Ngalokubuhlungu, atisekho timphawu letibonakalako tesisindvo se monstrous. Kukhona kunye lokuncane, kuvela kwelitje etindzaweni letingaphandle kwelidolobha, letivakashi letinye letijabhile tiyawatsatsa ku Dome yase Vredefort, kepha ayaphambatiseka. Gibela etulu kweSitselo lesingachazi bese uyayaluka etintsabeni, nomakunjalo, utocala kutfola tindlela letitsite tesikali sesisindvo semsebenti.
Lidolobha Lelihle Lelincane
Lesisitjalo lesingajabulisi phindze silungiselwe indzawo lensha Yetivakashi. Sigaba sekucala salokukhulisa sasibekelwe kuvulwa ngesikhatsi sa 2009 kanye nelihhovisi letatiso, indzawo lenkhulu yekukhombisa netintfo letifakiwe kule Dome, indzawo yekutsengisa tintfo letibatiwe tasendzaweni kanye nendzawo yekutsenga kudla lokulula. Sigaba sesibili besitofaka indzawo yangaphandle, imidlalo yesintfu, tingadze letakhiwe kanye netindzawo tekuphumulela khona. Noma kunjalo, inchubekela phambili ibonakala ingenile.iVredefort ichube yaphila ebumnyameni bamakhelwane wayo lomkhulu, iParys, leyakheke emakhilomitha lalishumi nesihlanu ngebukhashane. iVredefort ayinawo umfula, kute ngisho titodlwana kanye netindzawo tetitolo tematiya noma emaswidi. Esikhundleni kukhona tindzawo letitsengisa tintfo tekuphatfwa, titolo letitsengisa tintfo tekwakha kanye netekwenta tinhloko. Nomakunjalo, iVredefort lidolobha lelincane lelihle lelinelisontfo lelakhiwe ngematje lamahle lelinesimo sebupulazi. Kukhona buningi bentfutfuko lapha, futsi ngitivela nginekucina kutsi kutobakhona kukhula ekuhambeni kwesikhatsi.Translated by Phindile Malotana