Hawk Eagle
Ntšhu Pekwa ya Aforika
Mafelo a bodulo
Ntšhu Pekwa ya Aforika e phatlaladitšwe go ya ka borwa bja Sahara go ya fela Borwa bja Tropic tša Capricorn ka Afrika Borwa. Ka tlwaelo di hwetšwa ka mašokeng a mehlare ye me ntšhi. Gantši ka mebotong le nageng tše makgwakgwa. Ga di rate dithokgwa tša mohlakamotala wa mehlare ya go tlala. Sehlaga sa Ntšhu Pekwa ya Aforika, e kaba dikgato tše 3 ka bogolo, se dirwa ka forokong ya mehlare ye kgolo.
Dijo
E ja dijo tšeo e lego dinonyana go ya ka bogolo bja Kgaka. Francolin gantšhi ke dijo tše kgolo tša yona. Ntšhu Pekwa ya Aforika gape dijo tša yona ke diamuši tše nnyane tša go swana le Mongoose le Dassie. Digagabi gape di bopa karolo ya dijo.
Pelegišo
Ka tlwaelo di belegiša go tloga ka Mopitlo go fihla ka Mosegamanye. Bobedi dipoo le ditshadi di elama mae mo lebakeng la matšatši a go fihla 44. Ke fela 1 tšuane ke yona ye e hlokomelwago le go godišwa, ka lebaka la ge tše nnyane di bolayana.
Ponalo:
Bogolo bja yona ke seripana go ya go bogolo, dikarolo tša godimo di boso; ka fase ke tše tšhweu le go ba le mebala ye e boso, ntle le ka maotong, go ba le dibaka tše kgolo mafofeng le ntlha ye lethokong la lephego ka fase ke e boso. Ka fase ga maphego gantšhi ke boso le mabala a bošweu bo tšwelelago ka kakaretšo.
