I-Robben Island Yaziwa Iphasi Loke
Ikhambo Ngeskepe
Ikhambo elisethethweni lithatha ama-iri amathathu kuya kwamane kubalwa nalokha ukhamba ngeskepe. Ukghona ukuqoqa nembotjhwa zalokha, uthathe ikhambo ngebhesi elikusa lapha u Robert Sobukwe umdosi phambili we-PAC) gade avalelwe khona, ubone igwari, amajoni wepi yesibili nekumba lapha gade kuvalelwe khona uMandela ejele le- maximum-security,Kodwana ubone nelwana, nakugcineni kwelandlwe lapho kunamapeinguins khona, nalapha kwakubekwe khona iingidi zepi yephasi yesibili.
I-Emblem Yetjhaphuluko
Iminyaka engapheze ibe-400, I-Robben island esebangeni elingaba yi-12 yamakhilomitha ukusuka eKapa, yayiyindawo yalabo abaqothiweko. Kulapha abantu egade bababona ngathi badala imiraro yezepolotiki nebagade bangafunwa mphakathi bebethunyelwa khona. Ngesikhathi sebandlululo I-Robben Island yaba yindawo eyaziwa ephasini loke njengendawo lapha uNelson Mandela kanye nabanye bamalunga wehlangano ye-African National Congress gade babotjhwe khona.
Nanyana kunjalo iimbotjhwa zepolotiki zaphumelela ukutjhugulula indawo le yaba yi-emblem yetjhaphuluko. I-Robben Island yaba liphawu elitjengisa ukuthumba kwabantu kunobudisi nokuhluka kwabo okukhulu.
Translated by Busisiwe Skhosana
