Horsefish

Igama lomndenazo elijayelekileko

Horsefish

Elinye igama ebizwa ngalo

Pigfish, Racehorses

Igama lesayensi

Congiopodidae

Ubukhulu

Ingakhula beyibe masenthimitha amatjhumi alikhomba nahlanu, ezincani zona ziba masenthimitha amatjhumi amathathu nahlanu.

Ikambiso Yokufanisa

Inomzimba opataleleko kanye nepumulo ebonakala khudlwana. Ukusuka encenyeni ephezulu yehloko yakheke njengesikotlelo ukuyela epumulweni. Isikhumba sayo asinawo amaphetjhana. Inombala omhlophe, ozotho okufipheleko kanye nonzima, ivame ukuba namacatjhazana angakajayeleki.

Ilwazi Elivamileko

Umndeni wama-Congiopodidae wakhiwe mikhakhawo emine kanye nemihlobazo elithoba. Iwela ngaphasi kwerhemo lama-Scorpaeniformes (Scorpionfish). Ziphila ngokudla phasi esithomeni samanzi. Ukuzifihla kwazo kuhle khulu. Kanengi itholakala eendaweni lapho kuneemilo zamalwandle. Ingatholakala emamitheni angaba makhulu amahlanu walapho kutjhingela khona. Eminye yemihlobazo kutholakele bonyana zihlubula isikhumba njengeminye imihlobo erhurhubako. Zimhlobo obekelela amaqanda ngaphakathi komhlobo welwandle elivulekileko (Pelagic spawners).

Ukudla Kwazo

Ziphila ngokudla iinlwanyana ezincani zomhlobo onganamgogodlha.

Ukusabalala Kwazo

Zitholakala khulu esewula ye-hemisphere emanzini weendaweni ezipholileko.

Imihlobazo ejayelekileko

Spinenose horsefish - Congiodopus spinifer
Smooth horsefish - Congiopodus torvus