Jy kan kies tussen die volgende akkommodasie tipes by hierdie safari ervaring in die Tuinroete.
Jou Kamer
Kwena Lodge se suites staan apart van mekaar, is heeltemal privaat en kyk oor ’n watergat uit. Hierdie sjiek oop-plan suites het ’n slaapkamer onder ’n sentrale dakvenster. Daar is ’n ruim badkamer met ’n diep bad, stort en dubbele wasbak. Jy het die opsie om óf tweeling beddens, óf ’n koning-grootte bed te hê. Die luukse geriewe sluit ’n groot swembad, ’n oop-plan ontspanningsarea en ’n kroeg in. Daar is ’n privaat spa, aandenkingswinkel en ’n eetkamerstel rondom ’n oop vuurmaakplek. Die onderdak stoep bied ’n uitsigpunt vir wild besigtiging by Gondwana Privaat Wildreservaat.
Die Fynbos Villas bestaan uit 3 slaapkamers, die Bos Vila bied 3- en 4 slaapkamer opsies. Hulle het grasdakke, oop-plan ontspanningsareas, eetkamers en ’n toegeruste kombuis. Die leefarea het ’n kaggel en opvou glasdeure, wat op ’n uitgestrekte stoep met uitsigte oor die landskap oopmaak. Daar is ook ’n ingeboude braai. Die slaapkamers is ruim en en-suite, met groot storte en dubbele wasbakke. Die kombuis het ’n mikrogolf en skottelgoedwasmasjien – ideaal vir ’n familie wegbreek.
Tent Eko-kamp by Gondwana Privaat Wildreservaat se eko-kamp kan jy deelneem aan ’n konservasie ervaring van 5 aande. ’n Goue geleentheid vir individue, families of groepe wat meer betrokke wil raak by wild- en parkbestuur. Dit is ideaal vir dié wat meer oor die bos wil leer. Die eko-vriendelike tente bied gemaklike tweeling of dubbel akkommodasie, gebou op ’n opgeligte houtdek. Elke tent het ’n en-suite badkamer en onderdak, buitelug ontspanningsdek. Alle maaltye word in die algemene ontspanningstent voorberei. Vir gaste se genot is daar ook ’n gesellige buitelug boma. ’n Ontspannende area met ’n hangmat en swembad is ook beskikbaar.
Ulubisi Huis is luukse akkommodasie ideal vir tot 6 grootmense, of 4 grootmense en 4 kinders. Daar is ’n swembad en Jacuzzi met ’n ruim ontspanningsdek. Tydens jou verblyf word ’n privaat gids aan jou toegewys, asook ’n sjef. By hierdie huis is daar ’n heerlike koffie masjien, Wi-Fi en DSTV. Jy sal ook toegang tot begeleide bos wandelinge, insluitend die fynbos en safari staptoere, hê.