Die Shamwari Wildreservaat, geleë in die Oos-Kaap, is die tuiste van ʼn magdom dierspesies, insluitende die bekende Groot 5, as ook talle ander soogdiere soos koedoes, elande, sebra’s, kameelperde en vlakvarke.
Wildbesigtiging
Wildbesigtigingsritte word twee keer ʼn dag aangebied by Bayethe Tented Lodge. Koffie word in die oggend bedien en verfrissende skemerkelkies in die vroegaand terwyl jy die sonsondergang aanskou. Vriendelike, kundige gidse sal jou van fassinerende feite oor die fauna en flora van die area voorsien.
Die luukse tentakkommodasie in die Shamwari Wildreservaat is ʼn gesogte voëlkyk bestemming vanweë die magdom voëlspesies wat hierdie reservaat hulle tuiste maak. Ywerige voëlkykers kan gereelde besigtinge van kiewiete, hoep-hoepe, spreeus en roofvoëls geniet.
Buiten die gewone wildbesigtigingsritte kan jy ook deelneem aan ʼn verskeidenheid ander aktiwiteite soos ʼn geleide staptoer wat jou nader aan die wild om die lodge sal bring. In ʼn safarivoertuig kyk ʼn mens gereeld die fyner detail mis, soos dierspore, mis en kleiner soogdiere, asook insekspesies.
Eetervarings in die Bos
Eetervarings by Bayethe Tented Lodge is ʼn deftige geleentheid met kundige sjefs wat etes geskik vir koninklikes voorberei. Elke maaltyd is een wat jy sal koester en onthou, of jy ontbyt in die elegant gemeubileerde eetkamer geniet, of jou aandete langs ʼn knetterende vuur in die buitelug boma eet.
Met vooraf reëling word voorsiening gemaak vir spesiale dieetbeperkings, soos glutenintoleransie. Die kroeg bied ʼn groot verskeidenheid skemerkelkies, plaaslike en ingevoerde biere, siders, wyne en sterk drank.