By Sanbona Wildreservaat kan jy die veld in vaar vir diere besigtiging en voëlkyk geleenthede op ’n 4x4-wildbesigtigingsrit.
Wildbesigtiging
Hierdie ritte duur omtrent 3 uur. Wildbesigtigingsritte word twee keer ’n dag aangebied en deur ervare spoorsnyers en gidse gelei. Elke besigting in die wild is pure geluk, maar van die plaaslike diere wat jy heel waarskynlik gaan sien sluit in olifant, kameelperd, njala, blou wildebees, vlakvark, seekoei, impala en koedoe. Rare spesies wat hier gesien kan word is hiëna, suni en luiperd. Kinders bo die ouderdom van 4-jaar word toegelaat op wildbesigtigingsritte.
Voëlkyk
Die Klein Karoo is ’n bekende voëlkyk bestemming. Die kontras tussen die groot vlaktes, berge en waterstrome lok verskeie spesies na die area. Meer as 200 spesies is al by hierdie wildreservaat opgelet. Hier het jy die geleentheid om die kaneelborssanger, opgeroep adelaars, Piet-tjou-tjou-grysmees, kelkiewyn en swart vleuel te sien.
Bos Wandelinge
Jy kan ook deelneem aan ’n interaktiewe bos wandeling. Elke wandeling is gepas vir enige fiksheidvlak, van maklike wandelinge tot meer gevorderde staproetes. Jou gids en spoorsnyer sal jou meer leer oor die verskeie plante en bome, en jy kan die kleiner diere wat in die area woon van nader bekyk. Persone bo die ouderdom van 16-jaar mag aan die wildernis staproetes deelneem.
Watersafaris
Sanbona Wildreservaat bied geleide watersafaris op die Bellair Dam aan. Die bote kan tot 12 gaste akkommodeer met of sonsopkoms of sonsondergang – die beste tye van die dag om diere te sien. Die bootvaarte hang af van die weersomstandighede.
Kinders op Safari
Sanbona Wildreservaat fokus op die konservasie van die natuur en die kinderaktiwiteite reflekteer dit. Die Kinders op Safari –pakkette sal verseker dat die jongklomp ’n opwindende vakansie het. Interaktiewe en vooraf beplande aktiwiteite, kinder-vriendelike swembaddens en ’n speelarea beteken dat die hele familie ’n sorg-vrye vakansie kan geniet.
Kinderoppasdienste is beskikbaar teen ’n addisionele koste. Kinders kan die kunsvlyt, bordspeletjies en dvd’s geniet, asook deelneem aan die interaktiewe toer deur die tuin van die Gondwana Family Lodge. Hierdie roete sal hulle meer leer oor die plaaslike plante en diere. Die gidse sal jou kinders ook help om die Sanbona aktiwiteitsboek te voltooi.
Rotskuns
Sanbona Wildreservaat is ryk aan antieke San rotskuns. Hierdie rotskunsgebiede dateer meer as 3,500 jaar terug en bied insig oor die lewe van die San en die Khoi-Khoi wat in hierdie area geleef het.
Ontspanning
Elke lodge by Sanbona Wildreservaat bied ontspanningsbehandelinge aan om te help rus. Kies tussen verfrissende gesigbehandelinge, masserings, skoonheidbehandelinge, manikure en pedikure.