Marataba Safari lodge bied luuksheid met egte avontuur in die Marakele Nasionale Park, ideaal vir paartjies en vir familiesafari’s in Suid-Afrika.
Hoogtepunte
Groot 5-besigtigings in ’n malaria-vrye reservaat
Grootste kolonie Kaapse roofvoëls in die wêreld
Pret vir die hele familie - met ’n kinderprogram en kinderoppasdienste
Watersafari’s - drie bootvaarte elke dag, met sonsopkoms, op die middaguur en met sonsondergang
Heerlike kos wat voorsiening maak vir almal, van vegetariërs, diegene wat banting- of glutenvry diëte het, tot vleiseters
Jou Ervaring
As jy opsoek is na ’n luukse tog egte safari-ervaring hoef jy nie verder as die Marataba Safari Lodge te kyk nie. Die 23 000 hektaar Marakele Nasionale Park is malaria-vry en gee jou die geleentheid om die Groot 5 in hul natuurlike habitat te besigtig, terwyl jy ’n verskeidenheid ander soogdiere en voëllewe ook teëkom.
Marataba Safari Lodge bied ’n reeks safari-aktiwiteite aan, van wildritte vir die familie, tot romantiese sonsondergangbootvaarte en bos wandelinge. In die oggend kan jy rustig deur die bos dwaal en kyk na die verskeie voëlspesies voor jy aansit vir ’n fees van ’n ontbyt onder die bome.
Die personeel by hierdie luukse lodge sal verseker dat al jou begeertes vervul word, sonder om u privaatheid in te dring. Die lodge self is ’n pragtige uitbreiding van die prentjiemooi omgewing en bied gemeenskaplike gaste-areas en luukse geriewe. Daar is ’n spa en gesondheidsentrum asook ’n beeldskone buitelug swembadarea. Die luukse suites bestaan uit tentdoek en steen en is toegerus met alle denkbare geriewe.
As jy opsoek is na ’n romantiese wegbreek of ’n vakansie saam met familie en vriende, sal die luukse Marataba Safari Lodge jou verwagtinge oorskry. Hier sal jy met wonderlike herinneringe wegloop.