Hoogtepunte
Oggend bos wandelinge met ’n spoorsnyer en gids
Geleide oggend en aand wildbesigtigingsritte
’n Verskeidenheid voëls – ideaal vir voëlkyk entoesiaste
Buitelug boma met kaggel en kroegarea
Private dek en buitelugstorte
Jou Ervaring
Toro Yaka Bush Lodge is geleë in die hartjie van die Balule Privaat Naturreservaat, wat ’n onomheinde grens met die Kruger Nasionale Park deel. Hierdie safari lodge in die Groter Kruger is die tipe plek waar jy dadelik tuis sal voel. Van die aktiwiteite tot die akkommodasie en geriewe; die atmosfeer hier is warm en verwelkomend.
Vlakvarke, nagapies, njala en blou apies is gereelde besoekers aan die lodge. Jy kan hulle dophou van die buitelug eet- en kroegarea wat oor die inheemse tuine en bosveld uitkyk. Nagte word die beste spandeer in die buitelug om die oop vuur in die tradisionele boma. Na ’n lang dag van wild besigtiging en bosstaptoere kan jy teruggaan na jou suite vir ’n goeie nagrus.
Die Toro Yaka suites is modern, ruim en gemaklik en elkeen het ’n private besigtigingsdek met binne- en buitelugstorte. Moenie vergeet om te ontspan tussendeur die safari aktiwiteite nie. Gaan vir ’n massering, geniet ’n drankie of luilê langs die swembad. Hier kan jy voel hoe dit voel om heeltemal toegevou te wees in die natuur.