White Faced Duck
Ivevenyana
Igama
Ivevenyana
Libonakala Kanjani
Amadala anendawo emhlophe bese ikhanda lonke limnyama namabala amhlophe emaceleni kwentamo. Emahlombe amaphiko snsundu. Amnyama kuthi ngaphansi abe mhlophe. Phansi kwezimpiko isinqe nomsila kumnyama. Zinamabala ansundu nombala osagolide, amehlo ansundu, umlomo umnyama, izinyawo nobhozo kugqize ngombala oluhlaza nokumnyama. Ezesifazane ziyafana kepha phambi kobuso, umqala umombala unsundu. Yize inomqala omude nezinyawo ezinde, ayihlali ezihlahleni kodwa ihlala phansi.
Zidlani
Zidla imbewu nezitshalo ezimila emanzini, nezilwane ezincane zasemanzini nezinambuzane.
Zizala Kanjani
Zakha izidleke ngamaqabunga nasezihlahleni ezigubhekile. Impilo yonke zikhwelwa eyodwa. Izalela amaqanda ayisithupha kuya kwawu-12, afukanyelwa abazali bobabili izinsuku eziwu-28 kuya kweziwu-30. Ayafihlwa amachwane emva kokuzalwa.
Indlela Eziphila Ngayo
Ziba yimihlambi engafika ku-100. Zidla ebusuku, zithanda ukuhamba ndawonye, zitholana ngomsindo wazo. Umsindo uyikhwela elinomsindo, alikhali njengedada. Zihlukile ezesifazane nezesilisa okwenza ukuthi zikwazi ukuzwana. Zithanda lapho kunamanzi khona zilala eduze kwemifula ngemihlambi. Emini ziyahlala, zingandizi. Ziyakwazi ukubhukuda.
Ziphila Kuphi
Ziphila emadamini, emifuleni lapho ezizalweni zamanzi, emaxhaphozini nasemithonjeni.
Zitholakala Kuphi
Zitholakala eZimbabwe, eMozambique, enyakatho yaseNamibia, epumalanga yaseBotswana nasempumalanga yeNingizimu Africa.
Igama Lesilatin
Dendrocygna viduata.
