Serval

© Shem Compion

Xivumbeko

Ndloti iya xivumbeko xo lala xikwalomu ka 500 mm laha makatleni. Nhlana wayona hinkwawo kuya fika le ncileni wuna voya bya buraweni lowu yaka eka nsuku na mikhwalalati yantima laha nhlaneni yitlhela yiva na swicoticoti swantima lencileni. Ndloti yina milenge yo leha swinene kutlula miri wa xona laha yinga pimiwa kuva kwalomu ka 3 feet hiku leha loko yiyimile kasi 20 inches laha makatleni. Ndloti yina nhloko yintsongo yo leha na tindleve ta xirhendzevutani letinga na mikhwalalati leyicincanaka ya ntima no basa. Kuvikiwa leswaku Ndloti yitirhisa minkhwalalati leyi ku vulavula na swinwani swihadyani swa mixaka ya yona. Ndloti leyo dzhwihala yikumeka laha ku tsakamaka kutlhela ku tlhuma swinene.

Swakudya

Nhlayo yalehenhla ya swakudya swa Ndloti yikatsa swihadyani leswi bolaka, ngopfu ngopfu makondlo, swinyenyani, machela, switsotswani, minkolombyani leyintsongo hambi kuri tinhlampfi.

Kutswalana

Vana vakona vatswariwa varimahahlwa exikarhi ka 3 na 4 laha vatswaleriwaka eka mabyasi lawa yo leha swinene. Ku biha emirini switeka 68-72 wa masiku. Kutswala swihumelela ngopfu emakumu ka nguva ya ximumu. Vana vatswaleriwa laha kupfulekeke kambe vana vasusiwa kuya nyikiwa vutumbelo na nhlayiso eka ndzhawu yintshwa. Leswi swiendla leswaku vana vaxona switika kutwisisa mahanyelo ya vona hikuva vatshama vari ekurhurheni leswaku vatahlayiseka.

Kufana na tinxaka tinwana ta swimanga swale nhoveni, leya xisati yikurisa vana vayona yiri yoxe laha yitlhelaka yiva siya leswaku yiya vahlotela swakudya. Loko vana vakurile kuti hlotela, mhana kona xi hlongola leswaxinuna kusungula. Leswxisati switshama endzhawini yin’we. Leya xisati yitshama na mana wayona kufikela yiringanela timhaka ta masangu. Laha hilaha yihetelelaka swihlongoriwa hi manana waswona leswaku swisungula tindzhawu taswona.

Mahanyelo

Ndloti yi yirhandza kutshama yoxe handle kaloko kuri minkarhi yo endla vana kumbe loko leya xisati yifamba na vana vayona. Ndzhawu leyiswitshamaka eka yona yilanguteriwa kuva kwalomu ka 15 - 30 square km. Makaya yaswona yaswikota kurhurhela swimanga switele kambe aswilavi ku khumbhana. Kutiva vuxaka bya swona byikamberiwa eka malongo ya swona na mitsakamisi. Laha kutshamaka swa xinuna kuva kuri ndzhawu yikulu kutlula laha kutshamaka swa xisati.

Leswi swonyuma switala kujikajika navusiku laha swihlotaka hikuvona na mpfumawulo kutlula kunuhetela. Eka tindzhawu tinwana ta Afrika laha Ndloti yinga kavanyetiweki yitala kutlhariha ni mixo ni loko dyambu ripela. Ndloti yitwa ngopfu naswona yikota notwa xilo lexi fambaka ehansi ka misava. Loko yitwe laka kunga na swakudya swa yona yadodela kukondza yikhoma yidya. Himinkarhi yotala yirhandza kusungula yitlanga hiswakudya yingase dya. Ximanga lexi xikota ku encenyeta swilo swotala hambi kurila xaswitirhisa loko xilava kuvitana vamakwenu. Loko yitilwela yikukumuxa nhlana se yibonga Kunene.

Vutshamo

Ximanga lexi xitsakela kutshama laha kutsakamaka, kunga na mabyasi yo leha. Leswi swiendla leswaku ximanga lexi xikumeka eka tindzhawu tokarhi ntsena.

Laha Swikumekaka Kona

Laha Afrika Dzonga ximanga lexi xikumeka eka tindzhawu tin’wana ta Lipmopo, Mpumalanga, KwaZulu-Natal Drankensberg nale Lesotho. Xitekiwa tani hi xiharhi lexikalaka swinene eka Red Data Book ya Afrika Dzonga.

Leswi Dlayaka/ Valala

Valala vaxona I timhinsi, mahlolwa na tiyingwe.

Tinhlayo ta Nkoka

Vito ra xi Latin: Leptailurus serval
Ntiko (Xisati): 8, 6 - 11, 8 kg
Ntiko (Xinuna): 8, 6 - 13, 5 kg
Ku leha (Xisati): 110 cm
Kuleha (Xinuna): 110 cm
Kutika/ Ku biha mirini: 2 months
Vana: 1 - 3 swimanga
Swakudya: Carnivora
Ndyangu: Felidae
Kutswalana: 1 - 4 wa vana lava tswariwaka kusuka hi Ndzhati kuya eka Dzivamsoko endzhaku kotika kuringana tinhweti timbirhi.

Nhlamuselo ya Minkondzo

Loko xipimanyisiwa naswinwana swimanga lexi xina minkondzo yolala kasi laha xikandziyaka hikona lemahlweni akutikombi ngopfu. Minkondzo ya xona laha xikandziyaka kona ayikombi ngopfu min’wala ku yikandziyisa kuyini.