Ku Voniwa ka Mhinsi ya Buraweni

©Roger de la Harpe

Mhinsi leyi ya buraweni (Hyena brunnea) yitlhela yitiveka tani hi strandwolf – rito ra Afrikaans leri vulaka “beach wolf” loko ricinciwe hindlela yoleyo kusuka eka English – hikokwalaho ka mintolovelo yayona yo fambafambela etibuweni ta lwandle yi lavana na swakudya.

Muxaka lowu iwa vunharhu hivukulu eka tinxaka ta timhinsi naswona wu hmabanyiseka swinene na letin’wana hikokwalaho ka voya bya yona lebyikulu swinene, lebyi byinga bya buraweni wo dzwihala kumbe ntima emirini xikan’we na muhlovo lowu vonikelaka swinene enhan’wini nale makatleni. Leyikulu yikula kufika exikarhi ka 130 cm na 160 cm hiku leha, laha ya xinuna yitikaka 47 kg naswona ya xisati yinga kwalomu ka 42 kg hi ntolovelo.
Milenge ya mhinsi leyi yale mahlweni yina mikhwalalati leyi yaka ehansi naswona yi lehile swinene loko yipimanyisiwa nayale ndzhaku leyinga bumbula. Tinhloko tatona ti kurile naswona atina voya byotala loko kupimanyisiwa na lebyinga tala emirini wa tona hinkwawo naswona tina tindleve to leha totontswa.
Timhinsi leti titala ku hanya hi mintlawa leyinga exikarhi kamune kuya eka makume mbirhi, kambe tin’wana ta xinuna na ta xisati tinga sungula kuva ti avana ti famba toxe. Ta xisati tinga endla masangu nay a xinuna leyi kumekaka eka ntlawa walowo, kumbe ya xinuna leyi fikaka eka ntlawa walowo. Leti ta xinuna titala kukuma ya xisati leyinga lulamela masangu hikokwalaho ka nuhelo, kutirhisa nuhelo eka ndzhawu xikan’we naku langutisisa swinene eka ntlawa walowo.
Mhinsi leyi yiva yiringanerile masangu loko yiri na malembe mambirhi na hafu hi vukhale. Nguva ya masangu yitala kuva kusukela hi nhweti ya May kuya eka August, kuya hi kukumeka ka swakudya. Ya xisati yitswalela laha kunga tumbela kutani yiyisa vana vayona eka ntlhambi endzhaku ka mavhiki nyana loko yitava yi tswarile.
Kwalomu ka un’we kuya eka ntlhanu wa vana vatswariwa endzhaku ka kubiha emirini ko ringana 100 wa masiku. Vana vata mamisiwa ku fikela loko vari na 14 wa tinhweti hi vukhale.

Ku Dlaya na Madyelo

©Nigel Dennis

Timhinsi leti titala kuva ti teka swakudya leswi kunga dlaya swiharhi swinwana, laha tidyaka swihadyani leswintsongo leswingana marhambu laha nhlaneni, switsotswana na mihandzu. Titala ku famba toxe loko ti lava swakudya, kambe swiharhi swotala hambi swihuma eka mintlawa yohambana swa hlangana swidya kusuka eka ntsumbu wun’we lowukulu. Switala ku tlharisa swinene navusiku, kambe hambi na nhlekani swiva switlharihile loko swakudya swikala.
Timhinsi leti ati koti ngopfu ku hlota, leswi endlaka leswaku swiharhi leswi tidyaka swihanyaka swiva swintsongo swinene tani hi swakudya swa swona. Yiri yin’we, minkarhi yinwana yihetelela yiyiva swifuwo swa vanhu. Van’wamapurasi vafanele kutsundzuka leswaku loko vavona mhinsi leyi yidya ntsumbu wokarhi sweswo aswivuli leswaku hiyona yinga ldaya xifuwo xexo.
Kuya hi Predation Management Manual, yi khoma xiharhi hile ndzhaku, yixi wisela ehansi kutani yi xidlaya hikuva yixifaya nhloko hiku tirhisa tihlaya ta yona leti to tiyela ngopfu, ku luma laha xikosini swi endla leswaku nhloko yi pfuleka ku huma byongo kumbe kuluma ntsena laha tlhelo ka nhamu, laha tino rin’we ringhenaka ekusuhi natihlo kasi lawa yan’wana yava yari e hansi ka nkolo.
Swiharhi leswintsongo swinga dyiwa swihela hiku hatlisa, laha kunga salaka timbambu nyana loko kuriku xiharhi xakona i xikulu nyana. Marhambu lawa yakulu nay a nhloko yanga fayeleriwa. Swalendzeni aswitali kuva swidyiwa.

Vulawuri

Ku hlayisiwa “Looking after” ka mhinsi leyi swinga tisa mbuyelo wakahle, tani hileswi mphikizano wa swiharhi swinwana leswintsongo swidlayaka kufana na Jakalasi swinga pfunaka ku herisa kulahlekeriwa hi swifuwo. Emapurasini yo hlota, tina xiave xikulu swinene eka kusivela ku hangalaka ka mavabyi hikuva ti basisa nyama leyibolaka ya swiharhi leswinga fa.
Mpfumelelo wa laveka kuva ku khomisa timhinsi nakuva titishikiwa, tani hileswi kunga muxaka lowu kalaka swinene eka ndyangu wa timhinsi, laha tinga tsarisiwa tani hi swiharhi leswinga e khombyeni kuya hiva International Union of Conservation of Nature. Kuya hi Predation Management Manual, kunga tirhisiwa xitlhaka xa leopard cage trap lexingana ntsumbu wa xinyimpfana endzeni tani hi xinjovo lexi tirhisiwaka xitlhela xi humelela.
Ku vekeriwa ka darata ya gezi i yin’wana ya tindlela taku endla leswaku timhinsi leti tifambela kule na swifuwo, loko ku endla xivala, varisi na varindzi va swiharhi kuvaka vona vatirhisiwaka kusirhelela swifuwo eka timhinsi leti.

Translated by Ike Ngobeni