Bush Pig
Nguluve nhova

© Nigel J Dennis

Vito

Nguluve nhova [Potamochoerus larvatus]

Xivumbeko

Nguluve nhova yitiyile swinene yitlhela yiva na timhondzo to tiya swinene. Timhondzo ta yona ati tali ku vonaka ngopfu kambe leti tale hansi tikariha kufana na xikaringani titlhela tikula kuringana 7cm. Yina nghozi swinene loko yichavisiwile e nhoveni kumbe kuvavisiwa hi vahloti. Yinga vavisa swinene himatino yayona lawa yo kariha. Leyikulu yipimiwe kuva 900mm emakatleni kasi yitika 60kg.

Swakudya

Nguluve nhova yaswikota kutshama kusuhi na laha kutshamaka vanhu leswi swiendlaka leswaku yikuma swakudya. Nguluve yidya matsavu, mavele, mova na matamatisi. Van’wamapurasi avati lavi emapurasini yavona hikuva ti heta swibyariwa swavona. Loko tiri nhoveni tidya timintsu na mihandzu.

Mahanyelo

Nguluve nhova hiyona yiendlaka xisaka eka swiharhi leswikulu nyana. Yikota kuendla xisaka hiku tsemelela mabyasi yiti endlela yindlu yo ringana 3m hiku anama yi leha 1 mita. Yitlhela yikota kuya dya swimilani leswinga le kusuhi na mati no vumbuluka endhopeni leswaku yisusa kuhisa ka dyambu. Vana vayona vatshama tani hintlhambi na vatswari kufikela vava na ntsevu wa tinhweti. Loko vafikisile mtsevu watinhweti se valumuriwa vafamba hivambirhi mbirhi vati handzela hivoxe.

Laha yikumekaka kona

Yikumeka ngopfu lomu kunga tlhuma etlhelo ka milambu hambi etintshaveni hala va Eastern Cape, Mpumalanga KwaZulu-Natal Na Limpopo hambi kuri tindhawu totala ta Afrika.

Leswi dlayaka

Muxaka lowunwana wa nguluve nhova, vanhu na timhisi hiswona swidlawaka swinene. Sweswo switekiwa tani hiswharhi leswi kanganyisaka eka kuherisa swibyariwa.