Grey-headed Gull
Nongwatle E Tlhogo-Tshetlha
Leina
Nongwatle E Tlhogo-Tshetlha
Leina La Se-Latin
Larus cirrocephalus
Lelapa
Laridae
Boleele
42cm
Tulo
Ditlhopha tse di nnye le tse kgolo di fitlhelwa kwa metsing a magolo a kwa naga-gare (kwa di tsadisanang teng) le kwa mabopong.
Modumo
O ka amangwa le go kêkêla go go tshosang.
Tsadiso
Mofuta ono o tsadisa le Nongwatle Ya Hartlaub. Tsadiso e diragala go tloga ka Phukwi go fitlha Ngwanatsele. Mae ke a 2 - 3, a mmala o o botala jwa legodimo le jwa tlhaga go ya go borokwa jo bo tseneletseng ka dipatso tse di farologaneng tse di borokwa jo bo fifetseng.
Thanololo Ya Dithuthugi
Dithuthugi di na le ditlhogo tse tshweu ka dipatso tse di lofifi fa morago ga matlho mo molaleng, di farologana le tsa Nongwatle Ya Hartlaub ka maoto a a dinamanyana a a borokwa, molongwana o moleelenyana wa mmala wa nama ka ntlhana e e lofifi le mogatla o montsho.
Thanololo Ya Tse Kgolo
Tse kgolo di apesitswe ke bosetlha mo tlhogong le molala, matlho a a serolwana se se tswapogileng le molongwana le maoto a a bohibidu jo bo phatsimang. Ga di sa tsadise, tlhogo e tshweu.
Boemo
Ke nonyana e e tlwaelegileng ebile e tletsetletse.
Kanamo
Ke Nongwatle ya metsi a a phepa e e fitlhelwang kwa didibeng tse dikgolo le kwa matamong. E bonwa gangwe le gape fela e santse e kaiwa e sa tlwaelega kwa borwa-bophirima jwa Kapa go ya bokone.
