Wildebeest
Ikokoni

© Shem Compion

Ikokoni Ehlaza- Isakhiwo Nokuvela Kwayo

Umbala womzimbayo omlotha okurhanyazelako utshwayeke ngemida ebonakala ihlalelene emahlombe nemkhonweni. Iinkokoni ezihlaza zaziwa ngomdlengo onzima, omude kanye neenhluthu nofana amaboya alembelele esintanyeni nemphinjeni. Zombili eduna nesikazi zimila iimpondo ezifitjhani ezigobeneko.

Nanyana kunjalo iimpondo zeduna zidege begodu ziqinile. Iinkunzi zinesilinganiso sobudisi esimakhilogremu amakhulu amabili namasumi amahlanu (250 kg), kanye nesilinganiso sobude obuphakame ngemitha yinye nanye (1.1 m). Ezisikazi zincani bezinesilinganiso sobudisi esimakhilogremu alikhulu namasumi abunane (180 kg) kanye nesilinganiso sobude obuyimitha yinye nane (1.4 m).

Ukuzala Nokukhulisa

Iinkokoni ezihlazezi zizala ngesikhathi esisodwa sonyaka. Ngemva kwesikhathi sekambiso yokumitha esiziinyanga ezilithoba, zivamise ukuzala ikonyana ngalinye ehlobo. Ikonyana likghona ukugijima nomhlambi ngemva kwemizuzu lizelwe.

Ukuziphatha Kwayo

Ukutjhugulula iindawo lapho zihlala khona kwenzeka khulu ngokuya ngokutjhuguluka kweenkathi zomnyaka, lokhu zikwenzela ukukghona ukuphila nokusinda ekutlhayeleni kokudla kanye nokwehlisa izinga lokudla umhlobo owodwa wokudla, okwenzeka ngesikhathi esimanzi kanye nangesomiso.

Lo kumhlobo weenlwani ezidla utjani nothanda ukuphilisana khulu nangomhlambi, zinjalo le umhlambazo uvamise ukwakhiwa ngamalunga alisumi ukuyela eenkulungwaneni. Iinkunzi zigcina bezivikele iimfunda nemikhawulazo khulukhulu umhlambazo nawuleleko nofana uhlezi phasi.

Lapho Zotholakala Khona

Ukusabalala kwazo kwande khulu ukuyela etlhagwini-pumalanga yeemfunda zeSewula Afrika. Nokho asithathwa njengeenlwani ipilwazo esengozini, kodwana itholakala khulu eenthameleni zeenlwani. Injalo nje isabalele ngokubanzi eenarheni zetlhagwini yeSewula Afrika. Isibalo sazo sehle khulu ngebanga lokuvalelwa ngeenkampeni, begodu lokho kuzivalela amathubazo wokutjhagala kwemvelo nokufuduka.