Amatjhwayo
Amatjhwayo waso akakanqophi begodu angahlangahlanganiswa newamanye amalwelwe njeke kungahlolwa bona ngibo na ngokobana kutholwe imiphumela ye-laboratory. Ubulwelobu bubanga umgomani kanye nokufa. Abafuyi ngkomthetho batlhoga ukubika nange basola bona buqubukile begodu babuthelele amasampuli bayowahlolisa e-laboratory.Amatjhwayo wokobana ifarigi inobulwelobu avamise ukuthoma ngemva kwamalanga amahlanu ukuya kwalithoba bungenile. Amatjhwayo abonakala khulu, ngokuya kwemanuwali yabakhiqizi benyama yefarigi i-Pigs for Profit:
Umgomani ongathoma ngemva kwamalanga ambalwa ngaphambi kokobana amatjhwayo abonakalako.
Imfarigi ezinengi zobudala obahlukeneko ezifako
Iimfarigi ezingafuni ukudla.
Iimfarigi ezifa msinya, hlangana nelanga linye ukuya emalangeni alisumi wokugula.
Iimfarigi ezihlala zidiniwe.
Iindlebe, iinyawo kanye nangaphasi kwamathumbu kutjhuguluka kube bomvu ngombala nanyana phephuli.
Ukubasibaga kwenyawo zangemva, kube budisi bona zirhone ukukhamba.
Iimfarigi ezisikazi ezipholoja kwesinye nezinye isigaba sokumitha.
Zingenwa njani Bulwelobu Iimfarigi?
Iimfarigi zingenwa bulwelobu lokha nazithola amathe, ingurumela, amakaka nanyana igazi lefarigi rnabo; nanyana nazihlangana nabantu abanabo, amathulusi, iinthuthi nanyana izambatho ezinabo.I-African Swine Fever ingangena lokha ifarigi ilunywa mikhaza ethambileko.
Intatha
Abunantatha. Begodu abakarhabi ukwenza nentatha yokubugomela ubulwelwe be-Classical Swine Fever kanye nebe-African Swine Fever eSewula Africa. Nasele kutholiwe bona ngibo zoke iimfarigi ezinabo emhlambini ziyabulawa ngendlela ebizwa bona yi-as “stamping out”.Abafuyi kufanele bangalingi ukwenza i-“stamping out” babodwa ngombana kutlhogeka bona kubulawe zoke iimfarigi ezinabo zibulungwe kuhle begodu kuhlwengiswe kuhle indawo ezihlala kizo bezibulawe namagciwani. Umulwane wabo ubulwelobu ungahlala embayeni zemfarigezi iinyanga nange bungabulawa kuhle.
Amaplasi anobulwelobu kutlhogeka bona avalwe ukukhandela bona angarhatjheli amalwelwe la kwamanye anganabo. Akukafaneli bona kuthengiswe ifarigi nanyana imikhiqizo enobulwelobu nanyana zivunyelwe bona ziphume eplasini elivaliwekwelo nanyana umhlambi nanyana kungaba ngimuphi oseplasini elinobulwelobu.
Ukubukhandela
Kutlhogeka iindlela ze-biosecurity eziqinileko ukukhandela imihlambi ekuhlanganeni nezinto ezingayithelela ngobulwelobu, ezifana namathulusi, iinthuthi, izembatho, abantu kanye nemfaarigi ezigulako. Iinsalela zengadini kanye nalezo zekumbeni yokuphekela kufanele ziphekwe okungasenani iskhathi esingaba li-iri ukuqiniseka bona azikamumathi umulwani lo, ngitjho nensalela zekumbeni yokudla ezimumethe imirorho kwaphela ngombana kungenzeka bona khesadlangana nenyama.E-Sewula Africa, kunendawo zokulawula i-African Swine Fever esifundeni sangeLimpopo, Mpumalanga, North west kanye nesifundeni sakwaZulu Natal lapha ubulwelobu bubamba khona iimfarigi zombango ngaso soke isikhathi. Iindawezi zigade ukuthuthwa kwenlwane ukukhandela ukurhatjheka kwamalwelwe arhatjhekele eendaweni ezinganabo enarheni.
Nanyana umulwane lo ungabambi abantu, inyama enabo akukafaneli idliwe. Umgomani kanye nokubluya okuhlotjaniswa nomulwane lo wenza bona inyama yayo ingabimnandi begodu ingafanelwa ukudliwa babantu.
Translated by Busisiwe Prudance Skhosana