Fungi yatika swinene kuyi lawula eka vurimi bya organic; mimirhi ya fungi leyi xavisiwaka ayi lulamelanga vurimi bya organic. Hixitalo mimirhi leyi tirhisiwaka ya fungi yiva yiri na copper. Ndlela yintshwa yo lawula fungi ikuva kulawuriwa kuvuyeriwa ka fungi. I ndlela yantolovelo ya malawulelo ya eka vurimi bya organic.
Fungi leyi vuyeriwaka yikumeka hi xitalo naswona yiphikizana na fungi leyi vavisaka. Fungi leyi vuyeriwaka yotala yiphikizana na fungi yantolovelo laha yiyi hlulaka. Kuna tinxaka tohambana hambana ta fungi letinga tirhisiwaka, kambe leyi tivekaka ya matimba yitiveka tani hi Bio-trichio. Tota fungi leyi eka swimilani nale ka misava. Kwalomu ka fungi hinkwayo yichava mapa ya sulphur.
Maendlelo yanwana kungava ku fafazela nkatsakanyo wa malepula yanharhu ya vinegar leyinga katsiwa na litara yinwe ya mati. 1 Maendlelo yantolovelo yolawula swimilani leswi hlaseriweke hi fungi ikuva swifafazeriwa nkatsakanyo wa mati na meleka.
Nkatsakanyo lowu wuna khapu yinwe ya meleke, mune wa ti khapu ta mati na xilepulani xinwe xa xisibi xohlantswa swibye. Meleka wuna fungi leyingata kula kuhundza fungi leyi lwisiwaka, xisibi xipfuneta kuva mpfanganyiso lowu wutshama ematlukeni kambe wunga suki. Varimi va organic vale America vatirhisa fungi leyi vuyeriwaka ku hunguta ti pathogens.
Ti microbes tofana na Trichoderma (T. koningii and T. harzianum), Streptomyces griseoviridis xikan’we na Bacillus subtilis ti lawuriwa etimintswini kumbe titirhisiwa ku totiwa eka mbewu loko kunga se byariwa. Leswi swi antswisa ti microbes emisaveni naswona swihlohletela kukula. Switirhisiwa eka mavabyi yofana na Pythium, Rhizoctonia, Botritis, Scelerotinia, Fusarium, Phomopsis, Alternalia na Aspergillus.
Translated by Ike Ngobeni