I-Stone Age lada
Ngebanga lokobana i-Cradle of Humankind World Heritage isebangeni eliyi -100km ePumalanga ye-Vredefort, kungaqatjazwa ngokuphepha bona abantu bahlale enarheni ene-Dome iskhathi eside, hleze iminyaka emakhulukhulu. Ukufikela kwanjesi, akhenge khekutholwe amafosili wama-hominid wakade esifundeni se-Vredefort.
Iinlwane ezibandakanyeka e-Dome zingahlolwa kusukela eskhathini sakade se-Stone Age ( hlangana kweminyaka eyi-25 000 kanye ne-2000 eyadlulako)Ubufakazobu bokobana khezahlala lapha abukavami, ngebanga lokobana inarha le azange kuze kiyo ama- archaeologist azokwemba. Nanyana kunjalo,kutholwe amathulusi wamatje emadongeni we-Vaal,eduze kweblorho le-Schoemansdrift, kanye neplasini le-Parson’s Rus. Hlangana kwamathulusi la, kwatholwa abotjhefana, amazembe wesandla, izinto zokukira namanye amathulusi. Irholo leplasini le- Buffelskloof limumethe ubufakazi bokobana abantu khebahlala lapha, nokobana likhe lasetjenziswa kade irholweli. Amagwalo wabathwa abambalwa atjengisa lokhu.
Translated by Busisiwe Skhosana