Igama
Isikghopha semadwaleni (Rock Aloe)Igama lesi-Latin
Aloe petricolaIhlathululo
Lo mhlobo wesikghopha esincani esinganaso isiqu, sinamakari adege, ahlaza sasibhakabhaka nokuqarheke ngokuhlaza satjani. Amakari la avamise ukuba neencenye ezinamazinywana ahlabako begodu ande ngamanzana nofana ijuzi yombala osarulana. Amanzana la begade asetjenziselwa ukulapha amalwelwe wamathumbu emasentjhurini amanengi adlulileko. Amakarawo akghona ukubulunga amanzi ukwenzela bonyana isimilwesi sisinde ngesikhathi sesomiso. Amathuthumbo amanengi aminyeneko wombala obovu nokumthuthu avela phakathi kobusika.Amathuthumbo la athwalwa sisiqu eside begodu akheke njenge tjhubhu. Imihlobo eminengi yeenkghopha iziintjalo eziqakatheke khulu emhlobeni weenyonini zelanga (sunbirds) njengombana zisivakatjhela khulu nazizumana namanzi wamathuthumbo eziwasebenzisela ukwenza iluju kanye nalokha ziwanothisako.
Indawalo yemvelo
Umhlobo lo wesikghopha udabuka eSewula Afrika begodu utholakala esiFundeni seMpumalanga, uvame ukumila hlangana namaphandluka nofana equbini lamatje.Ibuthelelolwazi ngomangwalo
Umhlobo lo wesikghopha obizwa nge-Aloe petricola utholakala emaphadlhukweni nahlangana namadwala lapho uvamise ukukakarela ngemirabhawo.Imirabhawo ivame ukumbeseka ngehlabathi emigodini engatjhingi ukuyaphi kodwana lokhu akwenzeki ngaso soke isikhathi, kunalokho inabela hlangana namaphadlhuko nofana ingenelele ngaphasi kwamatje. Isikghophesi sisetjenziswa, kanye namanye amazambana womango njengesihlala samalwelwe ambalwa.