Tshwene Lodge bestaan uit luukse suites, noukeurig geposisioneer om ’n asemrowende uitsig oor die vallei en heuwels moontlik te maak.
Jou Kamer
Alle suites het lugversorging, ’n en-suite badkamer, buitelugstort en ’n private houtdek waarvandaan jy die omliggende natuurskoon kan geniet.
Sommige suites het ’n sitarea vir selfs meer gerief en alle suites het ’n aantal luukse geriewe, insluitende kamerjasse, pantoffels, komplimentêre toiletware, geriewe om tee en koffie te maak en ’n klein kamerkroeg.
Die wittebroodsuite, ontwerp met romanse ingedagte, het ’n private Jacuzzi en oop kaggel.
Lodge Fasiliteite
Die swembad by die lodge is gaste se gunsteling. Jy sal die dae hier wil weglê. Indien die weer nie saamspeel nie, of as jy net ’n breek van die buitelug wil neem, kan jy met ’n boek in een van twee gemaklike sitareas ontspan.
Ander geriewe:
Geskenkwinkel
Twee sitareas met kaggels
Kroeg
Swembad
Binnenshuis- en buitelugeetareas op ’n houtdek met panoramiese uitsigte