Hoogtepunte
Gemaklike toegang tot die Kruger Nasionale Park (10 minute se ry)
Uitgebreide uitsigte oor die Sabie rivier
Nabye attraksies sluit in God's Window, Pilgrimsrus en MacMac Falls
Toegang tot die Gary Player Gholfbaan en ryreeks
Restaurant, koffie winkel, 3 swembaddens, tennisbaan, mini-gholf, natuur staproetes en kindervermaak op die perseel
Jou Ervaring
As jy van wild en gholf hou, dan is hierdie die plek vir jou… Hierdie Groter Kruger Park akkommodasie is ideaal geleë op die Sabie rivier met ’n 9-gatjie Gary Player ontwerpte gholfbaan. Jy kan kies of jy jou dae op die groen wil deurbring, of ’n wildbesigtigingsrit in die Kruger Nasionale Park - wat slegs 10 minute weg is – wil geniet.
Hierdie luukse chalets smelt perfek in die digte bos en woud in, en het ’n outentieke grasdak en natuurlike afrondings. Hier word luuksheid nie afgeskeep nie en jy sal vind dat die lodge ingerig is met al die geriewe om na jou behoeftes om te sien. Kruger Park Lodge is die perfekte wegbreek bestemming; groen tuine, vloeiende water en die geroep van die oorvloed voëls in die bome. Gholf is nie die enigste aktiwiteit wat hier aangebied word nie.
Gaste kan ook tennis en vlugbal speel, voëlkyk, mini-gholf aanpak, op ’n natuur wandelinge uitgaan en ’n heerlike piekniek geniet. Families kan uitsien na die trampoliene, wat gewoonlik groot pret is vir die kinders. Hier is meer as genoeg fasiliteite wat die kinders sal besig hou. Jy kan ook ’n besoek aan die seekoeiskuil aflê en die plaaslike groep seekoeie ontmoet.
Gaste wat meer avontuurlustig is, kan uitsien na vierwielfiets avonture, vlotvaart, witwaterry en abseiling, asook die prentjie mooi Panoramiese Roete. Kruger Park Lodge is ook naby genoeg geleë om God's window, Pilgrimsrus, Bourkes Luck Potholes en die Blyde Rivier Kloof te ontdek.