Italicum (imbewu yayo yalethwa isuswa eNtaliyane). Futhi yaziwa ngokuthi iyingunaphakade, abendawo bayibiza ngokuthi impepho (amaXhosa namaZulu), noma ikooigoed (ngesiKhoisan, nange-Afrikaans). Ngokomdabu isetshenziswa ekubizeni amadlozi, ukukhipha umoya omubi egunjini noma ukushinqisela amagumbi eziguli.
Njengoba ixosha izinambuzane, yayendlalwa embhedeni futhi isiza ekuqwasheni. Kuthiwa ilapha ingcindezi nekhanda futhi ingasetshenziswa ukulapha ukukhwehlela, umkhuhlane nembo. Inezithako ezinzima ezibulala amagciwane nezinwana, okuyenza ibaluleke ebhokisini losizo lokuqala ngokulapha ukuluma kwezinambuzane ngisho okwesicabucabu, okukafezela nenyoka.
Amafutha empepho anezithako ezelapha ukulunywa (ifanelekile ukulapha ubuhlungu bemisipha, ubuhlungu bezicubu nofehlane), futhi ivimba isikhunta, nokubhibha ngenxa yezithako zayo ezihlumisayo ingasiza ekwelapheni izibazi, ukulunywa nezinduna. Izithako zayo ezilwa nokuguga zikhuthaza ukukhula kabusha kwezinhlamvu zempilo okuyenza intandokazi yokhilimu besikhumba nezithibalanga. Isetshenziswa ekugqumeni ukuqeda ukuvimbana emigudwini yamaphaphu futhi ilwa nama-allergy. Uma isetshenziswe ekwelapheni ngephunga iqeda inkathazeko iqinise nenxanxathela yemizwa.
Isimo sezulu yiso esilawula isivuno. Uma izithombo zithola imvula eyanele zingakhiqiza isivuno esingazvujnwa kazbili ngonyaka-entwasahlobo nakanjalo ekwindla. Izingxenye zesimila-amacembe, iziqu nezimbali-zisetshenziswa zomile noma ziluhlaza bese ukuphekwa kwayo ngomusi kukhiqize amafutha aphuzi ngokuphaphathekile futhi ahlambulukile, acishe abesamanzi. Iphunga layo lisho kakhulu, elenhlabathi namakhambi. Izithombo zitshalwa ngembewu noma ngeziqu (ngamahlumelo amasha angaqhakazi). Kunabakhiqizi eClocolan esifundeni saseFleyistata (itshaliwe enye isendle), enyakatho Gauteng, eBaviaanskloof (eMpumalanga Koloni) kanjalo eStellenbosch nasePiketberg eNtshonalanga Koloni.