Mujeko wa Tiko ra Afrika Dzonga

©Roger de la Harpe
Mujeko wa tiko, lowunga sungula ku tirhisiwa rosungula hiti 27 April 1994, wu tumbuluxiwe hi Mr Fred Brownell, khale ka South African State Herald. Mihlovo xikan’we na maendlelo swikombisa swotala eka matimu ya mujeko wa tiko ra Afrika Dzonga. Mihlovo leyi yohambana na nhlangano wa mihlovo swina tinhlamuselo to hambana eka vanhu vokarhi, leswivulaka leswaku akuna xikombiso na xin’we lexinga fambelanisiwaka na yona.

Ntumbuluxo lowu wa pivot wa mujeko lowu wuna xivumbeko xa ‘V’ lowunga eka xivumbeko xa horizontal lexi kongomaka emakumu. Leswi swikomba nhlengeletano wa vanhu vo hambana va tiko ra Afrika Dzonga lavanga eka gondzo roya eka vun’we. Nhlengeletano lowu na mongo wa vun’we swisukela eka motto kusuka eka Coat of Arms yak hale ya Afrika dzonga - Unity is Strength

Ku Hahisa Mujeko

©Roger de la Harpe
Loko u hahisa mujeko kuna swipimelo (protocols) leswi faneleke ku landzeleriwa kuya hilaha swinga xaxametiwa hikona eka Government Gazette 22356, Notice 510 of 8 June 2001.

Loko u vekela mujeko wa tiko ra Afrika Dzonga wuva horizontal laha wu bohiwaka hikona kufanele kuva eximatsini kasi muhlovo wotshuka wuva e henhla. Loko u vekela mujeko lowu wuva vertical e khumbini, muhlovo wotshuka wufanele kuva e ximatsini loko u wulangutisile loko laha wu bohiwaka hikona kuri ehenhla.

Eka tinhlengeletano ta vanhu, laha mujeko wa tiko wu kombiwaka e tlhelo kumbe endzhaku ka xivulavuri, mujeko wufanele kuvekiwa hile vokweni ra xinene ra xivulavuri. Loko wuvekeriwe kun’wana eka tinhlengeletano, kona wufanele kuva eka voko ra xinene ra ntshungu.

Translated by Ike Ngobeni