Xivumbeko xa Ndzhavuko xa Mapungubwe

Tintshava to Hlamarisa ta Ntumbuluko

©Roger de la Harpe
Ndzhawu leyi yohlamarisa ya tintshava, yitiyisisiwa hi makhumbi ya maribye yo oma, i ndzhawu yoka yinga tolovelekanga leyi tivekaka tani hi vuhosi bya yona laha Afrika Dzonga. Mapungubwe yitiveka tani hi ndzhawu ya nkoka ya vuxavisi leyi ku hlanganaka kona milambu yimbirhi ya Limpopo na Shashe (laha Afrika Dzonga, Botswana na Zimbabwe tihlanganaka kona) kusukela eka malembe yava 1220 kuya eka 1290, kambe yi thumbiwile hi malembe yava 1930. Nsuku wo hlawuleka lowu ceriweke kusuka e Mapungubwe, lowunga xiphemu xa mfuwo wa rixaka, leswi namuntlha switekiwaka tani hi ndzhaka leyikulu ya tiko ra Afrika Dzonga kusukela eka malembe ya khale.

Mapungubwe

©Roger de la Harpe
Hambi leswi leswi swilo leswinga endliwa hi munhu swa Mapungubwe, xibejwani xa nsuku, switirhisiwa leswi aswitirhisiwa hi lava ava fuma nkarhi walowo na xindhichani xakona, swivekiwile swikhavisa e Univhesithi ya Pretoria, ungaha tlhela u kota kuya eka rendzo leri lawuriwaka kuva u vona tindzhawu tohambana hambana ta archaeology e Mapungubwe National Park – leyi kungariki khale yitava xiphemu xa Limpopo-Shashe Transfrontier Park. Va UNESCO vayiteke yiri ndzhawu leyi yinga ya xihlamariso na nkoka swinene emisaveni hinkwayo. Lexi kokaka rinoko swinene i xintshabyani lexinga kona lexi nyikaka ndzhawu leyi vito, laha kutlhelaka kutshembiwa leswaku xive xona ntsinda wa vuxavisi lebyinga humelela swinene kwalomu ka 1000 wa malembe lawa ya hundzeke.

Ndzhawu ya Vuhundzuluxi ya Mapungubwe

©Roger de la Harpe
Eka World Architecture Festival leyi ayiri kona e Barcelona hi November 2009, ndzhawu ya vuhundzuluxi ya Mapungubwe e Limpopo, leyinga endliwa hi feme yale Johannesburg ya Peter Rich Architects, yikume xidloldo xa 'world building of the year' yilanguteka onge kova xitshuka xa majenje naswona Gaudi atava a endlile loko alo komberiwa ku tumbuluxa muako lowu fambisanaka na Mapungubwe National Park xikanwe na ndzhavuko wa vuxavisi lowu yi kombaka wona kusuka eka timbrel vault arches nati mound leti hile handle tifanaka na dome kuya eka tithayilisi letinga vumberiwa kona hi vanhu lava ava pfumala ntirho hinkari walowo, lowu i ntirho lowunga wa organic architecture lowu nga se tshamaka wuvoniwa himunhu laha tikweni kusukela eka minkarhi ya Cape Dutch.

Translated by Ike Ngobeni