Ke ka Lebaka la eng Phufulelo e le Bohlokwa?
Phufulelo ke lebotho la go otlela tshepelo ya meetse ka gare ga dibjalo. Bjalo ka ge meetse a moyafala go tšwa matlakaleng, meetse a monwa go tšwa ka mabung, go sepediša phepo go tšwa sebjalong le go bjala disele tša dibjalo ka lebaka la boitirelodijo bja mehlare ka Mahlasedi. Boitirelodijo bja mehlare ka mahlasedi ke tshepedišo yeo dibjalo di e šomišago maatla a letšatši, meetse le digase tša go swana le khaponetaeoksaete go tšweletša mothopo wa maatla, sukiri ya tlhago. Ka mo tshepedišong ye, ye e tšweletšwago.Sa bobedi, phufulelo e nyakega go fodiša dibjalo, go swana le batho ge ba fufulelwa ka matšatši a borutho.
Sa mafelelo, phufulelo ka nepo e nyakega go tšwetša pele kgatelelo ya meetse ka gare ga sele ya sebjalo. Kgatelelo ye ya meetse e bitšwa kagtelelo ya turgor. E thuša go swara dibjalo di tiile ka nepo ya go thekga sebjalo.
Phufulelo e Direga Bjang?
Meetse le phepo di tšewa ka medu go ya godimo go sepetšwa ka tsela ya sebjalo. Ka gare ga sekgoba sa bogare bja diselese, sekgoba sa bogare bja disele tša sebjalo, meetse a fetoga go tšwa go seela go ya go tša gase go bopa moyameetse. Moyameetse o o tšhaba go tšwa ka mašobana a letlakala goba kutu, mašobana a mannyane letlakaleng la sebjalo - go swana le mašobana a ka letlalong la motho. Bogolo bja mašobana a letlakaleng goba kutung a laola tahlego ya monola wa sebjalo.Ke fela palopatlo ye nnyane ya meetse ye e tšewago ke medu e šomišwago ka gare ga sebjalo. Ka moka e lahlega ka phufulelo.
Dintlha tše di Huetšago Phufulelo
Phufulelo e laolwa ke themperetšha, phefo le phapano ya kgatelelo ya moyameetse ka gare le ka ntle ga sebjalo.Dintlha tše di latelago di huetša kelo ya phufulelo:
Maemo a Bosa. Dintlha tša maemo a bosa tša go swana le moya wa thempheretša, monola wa moya le phefo. Go fa mohlala ka phefong ya go oma, phufulelo e tla ba ya ka pela go feta nakong ya matšatši bongola bjo bo fodilego.
Mmu. Dintlha tša go swana le diteng tša meetse ka mabung: Diteng tša meetse a fase, kabo ya meetse go ya medung ya sebjalo e tla ba ya go nanya. Ka mabung a letsopa, mašobana a mannyane magareng ga dikarolwana tša mašobanammu, le mabu a letswai, diteng tša godimo tša letswai, kelo ya phufulelo le yona ke ya ga nanya.
Sebjalo. Kelo ya phufulelo le yona e hueditšwe ke mohuta wa sebjalo kgato ya go gola ga sebjalo. Xerophytic, kgotlelelo ya komelelo, dibjalo di fokotša dikelo tša phufulelo, ka fela go bula mašobana a letlakala goba kutu fela bošego. Gantšhi, dibjalo tše di na le meriri matlakaleng a tšona go fokotša khuetšo ya mahlasedi a letšatši le phefo.
Dibjalo tše dingwe e bile di ka tswalela mašobana a ka letlakaleng goba kutu ka fase ga maemo a kgatelelo ya meetse.
Malwetši a sebjalo. Malwetši a go bola ga medu a fokotša bokgoni bja medu go mona meetse gomme ka fao a fokotša kelo ya phufulelo.
Tšhireletšo. Dibjalo ka fase a dikhupetšo tša lelokwa di phufulela ga nnyane. Se ke ka lebaka la tšhireletšo ye e kaonafaditšwego kgahlanong le phefo le mahlasedi thwii a letšatši le gape le monola wa godimo ka fase ga malokwa.
O Ela Phufulelo Bjang?
Kelo ya phufulelo ya dibjalo e ka elwa ka go šomiša mekgwa ya go fapafapana:Mokgwa wa tlwaelo ke go ela diphapano tša meetseng a mabu ka medung ya sebjalo ka didirišwa tša go swana le dimetara tša kgatelelo, diboloko tša kganetšo le dinyakišišo tša dineutron. Kelo ya phufulelo gape e ka elwa ka go bea leihlo diphetogo ka boima ka lysimeters ka bokagodimo bja mabu bo khupeditše ka khupetšo go tloša moyafalo.
Ditsela tše dingwe tše phagamego tša go ela kelo ya phufulelo di akaroetša dinyakišišo tša go bewa sa ruri fase le dikgokagano, ka seyalemoya goba sellathekeng, go ya go dikhomphutha gammogo le kelo ya infra e khubedu le diswantšho tša sathalaete.
Go ela phufulelo ka dibjalong tša mehlare, go fa mohlala, dienywa, ke go ela kelo ya matute a kutu ya mohlare e elela kutung ka go lemoga diphapano ka malagareng wa kutu ka go bea didirišwa tša kelo ka gare goba mo kutung ya mohlare.
Translated by Lawrence Ndou