Iintjalo Zendabuko zeSewula Africa Njengezobuhle Zemvelo

Iintjalo ezinengi eSewula Africa – nanyana kungezemvelo nanyana zendabuko – asetjenziselwa ukutlhogomela iskhumba babantu bendabuko kanye neminye imihlobo iminyaka eminengi. Ubuhle bamvanje babone ukubaluleka kwamafutha wentjalo kanye neweskhumba kobana asebenza njengesizeso semvelo nokobana apholisa amalwelwe alethe nenzuzo emaphilweni wabantu.

Isigenama

I-Hypoxoside iputjuzwa emrajini we-Hypoxis hemerocallidea itjhugululwele ibe yi-rooperol, eyi-antioxidant. Ukungezelela, isigenama sine-sterol kanye ne-sterolin, eqeda ukuvuvuka eqinisa namasotjako womzimba. Ifana ne-cortisone ibuyisela emva ukulimala kwamathitjhu ipholise ubuhlungu bemisipha. Iyi-antioxidant enamandla ekubikwa bona iqeda ukuluphala.

Isirhopha

©Jacques Marais

I-Aloe ferox gel iinenthako ezitjhaphuukileko (aloin kanye ne-amino acid) kunesihlobo sayo se-America.
I-Aloe vera inesthako esithandwako entweni zokuhlamba zemvelo, ngombana irhona ukwelapha ukutjha isuse nokulunyelwa. Ngaphandle kokobana imumethe ama-enzyme we-bradykinase, ephundula ukuvuvuka, i-aloe ferox gel imumethe ama-antioxidant kanye nevithamini A, C kanye ne-B12. Ngebanga lemakhaphawondi akhandela i-melanin isetjenziselwa ukukhanyisa isikhumba.

Amafutha we-Baobab

Amafutha we-boabab adege anephungana, asetjenziselwa ukuzesa isikhumba, nokusimasaja, ukubibha amazipho omileko kanye nehluthu. Inenthako eziqinileko zama-antioxidant ngebanga le-β–sitosterol ezingaphungula ukonakala kwamaseli we-DNA. Amafutha apholisako we-boabab arhelebha ukwelapha i-psoriasis kanye ne-eczema ngombana izesa i-epidermis. Ukungezelela, amafutha we-boabab ane-omega-6 engaba yi-30% begodu imumethe ivithamini - D3, F, K kanye ne- E (kanye nama-antioxidant) kanye nevithamini.
A evuselela amaseli engalapha ama-strech marks ngokuwagcugcuzela ukwakheka kwe-collagen. Ivithamini F yi-fatty acid evuselela amaseli.

Amafutha we-Kalahari Tsamma Melon

©Marinda Louw

The Kalahari tsamma is native to the Kalahari region of Southern Africa and has been used for over 4 000 years as a natural moisturiser. I-Kalahari tsamma stjalo sesisifunda se-Kalahari seSewula Africa esisetjenziswe iminyaka eyi-4 000 njengesizeso.
Abathwa (Bushman) basebenzisa amafutha la njengesizeso, ukugcugcuzela ukukhula kwenhluthu, isthelwesi sihlanganisa namanzi sizeswe njenge-sunscreen.

Ngebanga leleveli ephezulu ye-linoleic acid (efana namafutha we-primrose) imbewu ye-Kalahari melon iqeda ukuvuvuka ingasetjenziselwa iskhumba esinamafutha nesinamathuthuva. I-Linoleic acid iphungula ukukhitjhwa kwama-hormones we-sebum ivuselele ukurega kweskhumba iphungule ukutjhwabana. Imbewu-ye-Kalahari melon ingasetjenzselwa ukususa iinkwethu kanye nehloko elumako.

Ngebanga le-fatty acid, ifaneleka ukusetjenziswa njengesipho semvelo.

Amafutha Wengongo/Manketti Oil

Amafutha wengongo (Schinziophyton rautanenii) aziwa njenge-manketti oil – adoswa budisi emantongomanini aqinileko womuthi wawo, omila esifundeni se-Kalahari eSewula Africa, lapha usetjenziswa bahlali bakhona ukuzesa iinhluthu basisebenzisela ukuvikela ilanga. Amafutha wengongo, avikela isikhumba kanye nenhluthu lokha i-eleostearic acid ihlangana nemisebe yelanga.

Imbewu esarulana okukhanyako idoseka lula, okwenza isetjenziselwe i-aromatherapy nasentweni zokuhlamba. Inezinga eliphezulu le-zinc (Zn) kanye namavithamini E (ama-antioxidant) angezelela ukuqeda kuvuvuka, isetjenziselwa ukwelapha i-eczema igcugcuzele ukuvuseleleka kwamaseli.

Amafutha we-Helichrysum (Impepho)

I-Helichrysum odoratissimum (stjalo esisetjenziswa khulu eSewula Africa) eyaziwa njengemphepho (ngesi Xhosa, Zulu), nanyana i-kooigoed (babathwa, Afrikaans).

Amafutha aqakathekileko anonmuko oqinileko westhelo begodu asetjenziselwa ukwenza amakha imetheriyali yestjalo isetjenziswa ngokwesiko ukwelapha amalwelwe ahlukahlukeneko.

Lokha nayisetjenziswa njengesithako semvelo sokutlhogomela iskhumba sokuhlamba, amafutha we-aqeda ukuvuvuka, abulala iinkowani apha ukungwareka kwamathitjhu, amathuthuva kanye ne-dermatitis. Iqeda ukuluphala ivuselele amaseli, ilungele ukusetjenziselwa ukuvikela ilanga kanye nentweni zokuzesa iskhumba.

Amafutha Womrula

©Genet

Amafutha womrula (Sclerocarya birrea) ngokwesiko gade asetjenziswa esifundeni seLimpopo eSewula Africa njengesizeso seskhumba, i-shampoo yokuhlamba iinhluthu ezomileko, asetjenziselwa nokuzesa iskhumba sabentwana nanyana njengesibha sokubahlambisa.
Amafutha womrula amthombo omuhle we-oleic acid, azele ama-antioxidant. Athambisa iskhumba asenze sibe butjhelelezi aphungule nokubabomvu.

Amafutha aregileko – ama-fatty acid, amafutha womrula asizeso esihle seskhumba esomileko. Azele ngevithamini-C kanye ne-E.

Amafutha womrula asetjenziswa njenagamafutha amahle wokumasaja.

Translated by Busisiwe Skhosana