Spotted Thick-Toed Gecko
Kolgeitjie
Naam
Kolgeitjie (Pachydactylus maculates)
Klas
Reptilia (Reptiele)
Orde
Squamata (Skubreptiel)
Familie
Gekkonidae
Lengte
Vroulik: 58 mm
Manlik: 48 mm
Beskrywing
Die kolgeitjie het ’n stewige lyf en ’n afgeronde snoet. Die rug is grys tot grysbruin met vier langwerpige swarterige kolle wat nie wit rande het nie en soms ineensmelt in onreëlmatige dwarsstrepe. Die maag is geelwit van kleur.
Verspreiding
Binnelandse Kaapse platorand vanaf Sutherland en die kusstreek van Knysna deur die Oos Kaap, KwaZulu-Natal, Swaziland en mees suidoostelike Mpumalanga. Een rekord van voorkoms in aangrensende Mosambiek.
Voortplanting
Vanaf September tot Februarie is daar 2 – 3 broeisels met elkeen 2 hardedop eiers. Inkubasie duur 100 - 120 dae.
Dieet
Die kolgeitjie eet kleiner insekte en spinnekoppe.
Veldnotas
Die kolgeitjie is een van die meer algemene geitjies van die meer as 30 spesies in Suider-Afrika. Hierdie geitjie word in ’n verskeidenheid habitatte aangetref.
