Besoek Mapungubwe

’n Beeldskone Reservaat

©Jacques Marais
Die Mapungubwe Nasionale Park het sy hekke in 2004 oopgemaak. Dit is 'n pragtige reservaat; aanloklik, geheimsinnig en vol verrassings. Ek het gevind dat dit 'n konstante bron van genot en inspirasie is. Een bejaarde besoeker van Thohoyandou het my vertel dat almal wat na Mapungubwe kom, dit vir hulleself wil eis. Hy is heeltemal korrek.

Hoe Om Daar Te Kom

©David Fleminger
Mapungubwe Nasionale Park is ongeveer 530 km noord van Johannesburg (480 km vanaf Pretoria). Dit behoort tussen 5 en 6 uur te neem om daar te kom, afhangende van die verkeer. Die rit is net 'n bietjie te lank vir 'n naweek weg, maar dit is die moeite werd.

Van Johannesburg, neem die N1 na Polokwane/Pietersburg. Ry deur die dorp en draai af op die R521 na Dendron. Na Dendron (ook genoem Mogwadi), bly op die R521 na Vivo. U sal sien hoe die reguit rif van die Soutpansberge uit die plat veld opstyg, en u sal verby sy westelike rand gaan.

Na Vivo kom die jagmekka van Alldays. Die pad slaan eers regs dan links soos u verder op die R521 na Pontdrift ry. Ongeveer 11 voor die Pontdrift grenspos, sal u tekens vir Mapungubwe sien. Draai regs op die R572 en ry 23 km verder na die hoofhek.

U kan ook Mapungubwe van Mussina bereik. Om hierdie roete te volg, bly op die N1 deur Polokwane/Pietersburg en Makhado/Louis Trichardt na Musina/Messina. By Mussina, draai links op die R521 en ry vir ongeveer 60 km na die hoofhek.

Al die toegangspaaie wat na die hoofhek van Mapungubwe lei, is geteer en in goeie toestand.

Kry voorraad in Polokwane

©Jacques Marais
Let daarop dat Polokwane die laaste groot dorp wat u sal teëkom, so kry alles wat u nodig sal hê. Mapungubwe is streng selfsorg. Die stede Dendron, Vivo en Alldays het petrolstasies en 'n paar klein winkels, maar niks substansieel nie. Onthou om by Alldays op te vul, want daar is geen vulstasies tussen Alldays en Mapungubwe nie. Op hierdie stadium is daar geen petrol by Mapungubwe beskikbaar nie. Die enigste ander vulstasie is by Dongola Ranch, ongeveer 30 km vanaf die hoofhek op pad na Mussina.

Klimaat en Malaria

©Ton Rulkens
Mapungubwe is in 'n halfdorre deel van die land en jaarlikse reënval wissel van 350-400 mm, wat meestal in die somermaande val. Soos reeds genoem, is die streek geneig om periodieke kort droogtes te hê. Die somers kan baie warm wees, tot 45°C. Winters is warm, maar in die aande kan dit koud word. Dit is altyd 'n goeie idee om warm klere saam te bring as u 'n aandrit gaan doen.

Mapungubwe word as 'n malariasone bestempel, neem dus insekbespuiting saam. Die voorkoms van malaria-draende muskiete is egter baie laer as in die Krugerpark, en geen onlangse gevalle van malaria is aangemeld nie. Die keuse van die gebruik van anti-malaria medisyne is u eie. Raadpleeg u dokter indien nodig.

Translated by Nina Joubert