U rengiswa ha dza u beba

© Chris Daly

U fanela uvha u tshi kona u vhalela arali u tshi khou ṱoḓa u bvelela kha hezwi zwa dza u beba, ngauri vhunzhi ha vhathu vhane vha vha kha zwo vha na nḓivho yazwo vhukuma. Mick Bosch wa Boschyeld Chickens uri huna khaedu mbili musi wo lavhelesana na hezwi zwithu: tsha u thoma zwi a konḓa kha muthu ane avha tshi khou thoma u ḓivha milayo yoṱhe, tsha vhuvhili vhathu vhane vha vha vha tshi khou ita makumba a u rengisa vha fanela u xelelwa nga masheleni o vhalaho uri vha kone u bveledza. u fanela u humbula dzi million.

U lavheleswa nga muvhuso

©Chris Daly
Muhumbulo wavhudi ndi u salana murahu na dzine dza beba nga mvelo sa Boschveld, Australorp, Koekoek na Island Red. Hedzi dzi nga balelwa u hula nga u ṱavhanya nahone dzi nga kudzela u lenga nahone makumba maṱuku, fhedzi zwi akonḓa uri dzi kavhiwe nga malwadze ufhirisa vhakomana vhadzo naho dza nga litshwa dzi tshi khou sokou tshimbila tshimbila zwiṱaratani.

Hedzi khuhu uya nga ha Bosch dzi khou ṱodiwa vhukuma ngauri dzi ya kona na u ḓi palela, na kha u bveledzwa ha khuhu dza mahayani na zwithu zwiṱuku zwo no itea mahayani. Nga tshi hinga tsha musi hu tshi khou ṅwaliwa hezwi ovha atshi khou balelwa u dzi wana, nahone huna khonadzeo dza vhuḓi dzine dza nga ita uri dzi tou ḓiswa kha ḽa Afrika tshipembe.

Bosch o tsivhudza vhafuwi uri vha fanela u thoma vha lingedza zwine vha khou ṱoḓa u fuwa, khamusi wa thoma nga khuhu dza 500, wa kona u hulisa bindu musi dzi tshi vho ṱoḓiwa nga vhunzhi. U thoma bindu ḽinnṱha-nnṱha zwi nga ita uri mufuwi adzule na khuhu dzine asa khou dzi ṱoḓa. Dza tsadzi dzi a kona u rengiswa dzina ḓuvha ḽithihi fhedzi Kha vha bveledzi kana dza litshiwa dza thoma dza hula dza rengiswa dzi na vhege dza 18 kana 21 zwi tshi bva kha lushaka lwa hone mukokoroshi unga rengiswa sa khuhu ine ya khou tshila musi dzi na vhege dza 12.

U engedza ndeme

©Chris Daly
Khuhu dza phambo na mukukulume dzi nga kona u bveledza zwithu zwa khwiṋe arali zwi tshi khou ḽa zwithu zwavhuḓi, dza ḓi dovha dza kona arali dzo litshwa dza ḓi palela zwiḽiwa. Khuhu dzine dza litshwa dza sokou tshimbila tshimbila dzi tshi khou ḓi ṱoḓela zwiḽiwa zwo leluwa uri dzi kavhiwe nga malwadze, u huvhala na u ḽiwa nga zwivhulai u fhirisa dzine dza vha dzi tshi tou iselwa zwiḽiwa.

Unga engedza vhundeme kha khuhu dzine dza vha na ḓuvha lithihi nga u dzi ṱhavha uri dzi si kavhiwe nga malwadze ano nga Bronchitis na Newcastle vha saathu dzi rengisa. Na dza u kudzela dzi fanela u ṱhavhelwa uri dzi si kavhuwe nga malwadze ano nga Bursal (Gumboro) na Coryza musi dzi saathu rengiswa. U ṱhavhela khuhu dzi saathu rengiswa zwi thusa kha u ḓiitela dzina ḽavhuḓi na hone vhathu vha dzulele u renga kha iwe na u ḓisa vha rengi vha swa nga u kona u ḓi phaḓaladzela mushumo wau wavhuḓi.

U fanela u humbula u kona u langa zwithu zwau zwavhuḓi nga u ṋanga khuhu dza mukukulume uri dzi kone u thivhela mbebo, zwine musi zwi tshi ya phanḓa zwa ḓo vha na masiandoitwa asi avhuḓi kha u bveledza.