Nḓila dza Kuḽele Bulasini ḽa dzi Khuhu

© Chris Daly

U fha zwiḽiwa ndi zwone zwithu zwine zwa ḓura vhukuma kha bulasi ḽa dzi khuhu, tshinwe tshifhinga uya wana u tshi khou bvisa zwithu zwo no lingana 50% ya zwithu zwo felaho hu tshi khou bveledziwa. Fhedzi huna nḓila dzinwe dza u kona u fhungudza hezwi zwithu:

Zwishumiswa

©Chris Daly
U renga zwithu kha vhathu vhane vha tou ḓiitela nazwone zwi a ḓura vhukuma. U fhedza hei thaidzo, Dr Charlotte Nkuna vha South African Poultry Association vho amba uri kha zwa Farmer’s Weekly uri vho rabulasi vha ita zwishumiswa, vha renge zwithu sa khuhu dza tsadzi, zwa u ḽela,mishonga na ha u dzula zwi zwinzhi zwi tshi khou bva kha vha iti vhazwo sa zwiḽiwa na zwa u thothonyela. A zwo ngo tou rali tshifhinga tshoṱhe arali bulasi ḽi kule na manwe, fhedzi vho rabulasi vha fanela u ṱangana uri vha ambe nga ha hezwi zwithu vha ḓe na nḓila ya khwiṋe.

U Shavhana na u sa fha Zwiḽiwa nga Nḓila Yone

Musi u tshi khou renga zwiḽiwa, u fanela u zwi renga kha vhathu vha fulufhedzeaho. Thaidzo ya zwiḽiwa zwo no bva kha vhathu vha sa fulufhedzeiho ndi ya uri khuhu dzi nga vha na thaidzo ya tsukanyo zwine zwa nga kwama na u bveledzwa, na u hula zwa ita na khuhu uri dzi ḓelwe nga malwadze o fhambananaho. Na zwiḽiwa zwo omaho zwi nga ḓisa malwadze.
Zwiḽiwa zwi fanela uvha zwa maimo a nṱha zwine zwa vha uri zwo tea kha vhutshilo ha tshipuka. Zwiḽiwa zwa dzi khuhu ṱhukhu zwi fanela uvha na maanḓa, na protein ngauri zwi fanela u khwaṱha u ṱavhanya.
Ndi zwifhio zwiḽiwa zwa maimo a nnṱha?
  • Zwiḽiwa a zwi faneli uvha na malwadze kana manwe a masiandoitwa.
  • Zwi fanela uvha zwitete zwi songo sina. A zwi faneli u nukhisa zwinwevho kana zwa vhonala zwi tshi nga a si zwitete
  • Zwi fanela uvha zwo itwa nga zwithu zwa maimo a nnṱha
  • Zwithu zwa hone zwi fanela u fana
  • Hu fanela uvha na mbalo ya u khethulusa, ḓuvha ḽe zwa itwa nambara dza luṱingo u itela u kwama vhathu vho teaho arali zwinwe zwa sa tshimbila nga ngona

U Vhewa nga Nḓila Yone

©Chris Daly
U vhea zwavhuḓi zwi tsireledza vhundeme ha zwiḽiwa,musi zwiḽiwa zwo no vha zwa kale zwi a bva pfushi zwine zwa amba uri hu fanela u waniwa zwinwe. Zwiḽiwa zwi si zwavhuḓi zwi a ḓisa malwadze.
Vha Poultry World vha na nḓila dzi tevhelaho dza u vhea:
  • Zwiḽiwa zwi fanela u vhewa fhethu ho omaho, ho dzikaho, hu satou dzhenaho ḓuvha thwii hune ha sa vhe na u tsitsikana
  • Zwi a fanela u tsireledzwa kha zwikhokhonono hu si uri zwi ḓo fhedza zwiḽiwa fhedzi lini, ngauri nazwo zwi nga tshinyadza zwiḽiwa
  • Azwi faneli u tou vhewa fhasi tshoṱhe ngauri zwi nga khakhisa
  • Zwi fanela u vhewa kule na mishomga na dzi philisi
  • Arali zwo vhea kha ma bini, ma bini a fanela uvha o kulumagiwa zwavhuḓi
  • Hune zwa dzula hone hu fanela uvha ho kulumagiwa nahone

U ita zwa u

©Chris Daly
Arali una maanḓa a u swikela kha zwithu zwavhuḓi zwo no nga mavhele,sobo, khovhe yo omiswaho, mavhele o omiswaho na sunflower, u nga kona u ḓiitela zwiḽiwa zwau. U fanela u tou humbela fhedzi kha vha ḓivhi uri vha u itele uri khuhu dzi ṱoḓa mini na mini musi dzi tshi khou ḓi hula.
Kha article ya Poultrysite.com, Jan Grobbelaar wa Dumela Poultry Solutions vha na zwitevhelaho zwine vha vhudza vho rabulasi uri vha fanela u zwiita arali vha si nga si kone u renga zwiḽiwa. Tsha u thoma, vha kona u bveledza dzi larvae dzavho. Hezwi zwi koniwa nga u vhea zwiḽiwa zwo sinaho, sa khavhishi, itshi kha bakhethe. Hezwi zwiḽiwa zwi a vhidza thunzi, dzine dza kona u kudzela makumba. Ha phuliwa mabuli nnṱha ha bakhethe, zwino larvae, ine ya ḓo pfuka nnṱha ha bakhethe i ḓo wela nga ngomu. Hu fanela u vhewa ḽinwe bakhethe nga fhasi ha heḽia uri larvae i tshi wa i wele nga ngomu.
Tsha vhuvhili ndi u ṱalana na zwilumi. U tshi khou itela u bveledza, Grobbelaar u gudisa vho rabulasi uri vha fanela u bvisa tshiṱaha tsha zwilumi nga u phula buli. Buli ḽa valiwa nga mahatsi o omaho uri tshiṱaha tshi kone u dzula. Zwi fhedza minwedzi ya ṱahe uri tshiṱaha tshi kone u kaṋiwa hafhu.
Inwe nḓila ndi u isa zwikoli zwine a zwo ngo tewa u ḽiwa nga vhathu kha dzi khuhu. Naho zwi tshi nga ḓisa malwadze, khombo ya hone ndi ṱhukhu kha ya dzine dza tou ḓi palela u fhirisa khuhu dzine dza vha dzi tshi khou fuwela vhubindudzi, lune dzi ya kona u mila zwinwe zwa zwiḽiwa.

Translated by Khalirendwe Nekhavhambe