Martial Eagle
Goni
Dzina
Goni (Polemaetus bellicousus)
Zwiḽiwa
Goni ḽi ḽa zwiṋoṋi zwi hulwane sa maivha, francolins, bustards na khuhu. Ḽi a ḽa na ntsa, na ṋamana dza Impala, mapfeṋe, mbudzi na nngu. Zwimange zwa ḓaka na mmbwa ḓaka. tshiǹwe tshifhinga ḽi a ḽa na tswiṋa kana ṋowa.
Nzwalelo
Zwi kudzela nṱha ṱhodzini ya muri hezwa lungedza zwiṱaha zwo khaṱhaho hone kha miri mihulu vhukuma yo imaho kha zwikwara zwa thavha. Goni ḽi shumisa zwiṱaha zwivhili.
Vhuḓifari
Goni ḽi fhedza tshifhinga tshilapfu ḽo kavha ḽa konaha u fhufha nga vho 10 ya matsheloni. Itshiri 3pm ya tshithabama, u fhufha ha ḽo huya fhungudzea. Ḽo kivha ḽi vha ḽi tshi khou sedza uri ḽi ḓo fhufhela gai hu re na zwiḽiwa kana ḽa tou zwi dzhavhula. Goni ḽi a kona u fhufha lwa tshifhinga tshilapfu ḽi sa aweli ḽi tshi khou ṱoḓana na zwiḽiwa. ḽi a kona u vhulaha nga phapha musi ḽi tshi khou fhufha. Asi kanzhi ḽi tshi dzula huna ḽa kudzela hone. maṱo a Goni a vhona na zwire kulesa na lwendo lwa maḓuvha o vhalaho ḽiya lu kona.
Mbonelo yatsho
Goni ḽi na maanḓa mahulu, ḽi a kona nau wisa muthu muhulwane o ima nga u to mu thudza. Ḽi na maanḓa a akhamadzaho lune ḽi nga kona u vunḓa tshanḓa tsha muthu wa mulenzhe waḽo. heḽi Goni ndi ḽone ḽihulwanesa kha oṱhe fhano Afrika. Ḽi lemela 6.5kg, phapha ḽa hone ḽo hula lwa 6-4 inches. Ḽone lo lapfa lwa 32 inches. Magoni maṱuku ha fani na mahulwane nga tshivhumbeo. Ḽihulwane ndi ḽitshu na thumbu tshena, milenzhe ndi mitshena na ṋala dzaḽo ndi khulwane.
U wanala hao
Goni heḽi ḽi wanalesa savannah na maḓakani a mipfa. Na shangoni ḽa Senegal, Somalia u swika Kapa. Ḽi funesa u dzula sogani fhedzi husongo to omesaho lini. Ḽi kudzela maḓakani mahulu.
