U ṱhogomela Tiraḓo ya Muṱa ine ya Khou Tshila na Tshitzhili Tsha HIV na Aids

Muḓulu wa vho Nothando Kbukeli na ṅwana wavho wa mutukana vho waniwa uri vha na HIV/Aids. Muḓuhulu wavho Sandiswa, ndi bofu u vha atshi khou tambudzwa nga zwithu zwinzhi. Vho Nothando vha amba nga hune ha bva maanḓa avho na uri GAPA yo vha thusisa hani.

U lwa na HIV/Aids ha Sandiswa

©Eric Miller

Muḓulu wanga muhulwane Sandiswa una miṅwaha ya 18 na hone ndi bofu. Musi ana miṅwaha ya 14 ombo di thoma u bviwa nga zwilonda zwihulwane kha ṱhoho. Ho vha hu yone tsumbo ya uthoma ya uri o kavhiwa nga HIV. Ndi khou pfa ndo vhofholowa u amba ngazwo ngauri ndo zwi ṱanganedza.

Ndi zwavhuḓi nga maanḓa u thoma wa ṱanganedza usaathu lafhana na vhulwadze. Arali huna hunwe u sa farana zwavhuḓi kha tshitshavha ndi nga kona u tshila nazwo. Ndi na maanḓa nga nḓila hei. Ro ya kha sibadela tsha Groote Schuur sibadela tshihulwane tshine tsha vha Cape Town ndi hone he Sandiswa a kona uvhudza mafhungo avhulwadze hawe.

Madokotela vha ri vhudza uri tshitshili tsho hula. Zwa zwino ndi kale atshi khou nwa dzi Antiretroviral, fhedzi ha dzhii mishonga yawe zwavhuḓi na luthihi. Vho dokotela vho ri vhudza uri ndi zwone zwo itaho uri avhe bofu. Nga ḽavhuṋa ra ya kha dokotela hafhu ari una TB fhedzi inga fhola. O sekena vhukuma na u lwala u khou lwala a dovha a vha na mutsiko ha tsha amba na u amba. U dzula o dzumba ṱhoho yawe.

Vhuḓifhinduleli ha Vhakegulu

©Eric Miller

Sandiswa u dzhena tshikolo tsha vhathu vhane vha sa vhone Worceter, zwine zwa vha zwavhuḓi khae. Mafhelo avhege ndi hone hune avhuya uḓa u dala. Ndi a muṱhogomela nda mukuvhela zwiambaro zwawe na u muthusa nga zwoṱhe zwine avha atshi khou ṱoḓa zwone.

Ndi mushumo muhulwane tshinwe tshifhinga muhwalo wanga uya mmangadza. Ndi na vhuḓifhinduleli vhuhulwane nga maanḓa wa u lavhelesana na vhaḓuhulu vhanga nda dovha nda vha na vhulwadze ha mutsiko wa malofha na Arthritis. Tshinwe tshifhinga ndi tshi humbula masinḓa mbilu ane ndo no ṱangana nao ndi a sokou dzula nda lila.

Vhuṱungu ho raliho a vhuṱuwi wa nga tou humbula ngazwo zwi mbo ḓi tou vhuya nga maanḓa. Nwananga wa mutukana Andile una HIV fhedzi o zwi ṱanganedza na hone ndi mulwi vhukuma wa HIV nahone uya kona na uya zwi badela atshi ya u amba ngazwo na u tsivhudza vhathu uri vha ite ndingo. U na maanḓa.

Maanḓa avho Gogo

©Eric Miller

Kha vhutshilo hanga ha ḓuvha na ḓuvha, ndi na maanḓa. Vhakegulu vhane vha vha vha tshi kha GAPA vho nthusa vhukuma. Ri afhana thikhedzo khulwane nga maanḓa. Ndi zwiguda hangei uri roṱhe ri a ṱangana na vhuthada ho fhambananaho. Ri a fhana tsivhudzo.

Fhedzi nṋe huna tshifhinga tshine nda sa ye ngauri ndi vha ndi ndoṱhe ndi tshi khou ṱhogomelanana na vhaḓuhulu vhanga ngauri vha ya nṱoda nga maanḓa Sandiswa. Huna zwithu zwivhili fhedzi zwa ndeme kha vhutshilo hanga. Ndi u kona uvhona uri ndi a ṱhogomela vhaḓuhulu vhanga na mushumo wanga sa maine. Ahuna zwine zwa vha na ndeme u fhirisa hezwi.

Translated by Khalirendwe Nekhavhambe