Chenel
Ṱhaluso
Chenel ndi veini ya nḓirivhe tshena ina ya vha na muthetshelo wa vhukati ine yo bveledzwa kha ḽa Afrika Tshipembe nga vho -Pro Chris Orffer. Vhabebi vha yo ndi chenin Blanc na ugni Blanc (ine ya vhidzwa nga ḽa Trebbiano).
Vhubvo
Afrika Tshipembe
Manwe Madzina
Chenel I ḓivhea nga la K1, fhedzi Weldra ndi tshinwe tshimela tshine natsho vhabebi vhatsho ndi vha Chenel.
U Bveledzwa kha ḽa Afrika Tshipembe
Yo bveledzwa kha ḽa Afrika Tshipembe nga 1974. Ho vha hu tshi tou vha 33ha ya Chenel yo ṱavhiwaho nga 2016 ha vha na inwe yo no lingana (14,5ha) yo ṱavhiwaho kha ḽa Robertson.
Miri ine ya vha uri ndi ya kale yo vha yo ṱavhiwa nga 1979 kha bulasi ḽa Laaiplaas kha ḽa Robertson.
U Bveledzwa kha Madzingu
Hangei Robertson ndi hone hune i hone nga vhunzhi. Olifants na Northern Cape hu tou vha na 8ha, ho tavhiwa 1ha nga 2016.
U Aluwa
I aluwa zwavhuḓi arali i tshi khou ṱhogomeliwa nga maanḓa arali i tshi khou ṱhogomelwa nga u sheledzwa iya kona u bvisa mveleleo dza 16-20t/ha ya gonya ya swika na kha 23-27t/ha. Nga mulandu wa uri iya konḓa u sina i fanela u ṱavhiwa fhethu hune ha rothola.
U Kaṋiwa
I kaṋiwa vhukati ha khalanwaha i kaniwa nga murahu ha maḓuvha maṋa uya kha vhege ho no thoma u kaṋiwa Chenin Blanc.
Maṱari
Maṱari ayo o linganela, avha na muvhala mudala avha tshipulumbu, avha na zwivhanana zwiraru.
Mitshelo
Mitshelo yo linganela ya vha na tshivhumbeo tsho ṱanḓavhuwelaho matungo lukanda lwa hone lwo khwaṱha, muthetshelo wa hone uya ḓifha lwo linganelaho.
Zwiḽi na Malwadze
Zwi a konḓa uri utou vhona mitshelo ya hone i tshi khou ita mitwe na musi hu tshi khou rothola iya tshila zwine wa amba uri iya kona u konḓelela u rothola hoṱhe. Na zwivhungu zwi ya konḓelwa.
Mushumo
I bveledza veini tshena ya vhukati. Mudifho wayo wa vhukati une wav ha una acisity khulwane (6-8 g/l) zwiita uri ivhe veini ya vhudi kha u bveledza na dzi brandy kana yo tou vanganyiwa na dzinwe.
Muthetshelo
Veini dzoṱhe dzo itwaho nga Chenel dzina muthetshelo wo linganelaho.
Translated by
Khalirendwe Nekhavhambe