Tinta Barocca

© Glenneis Kriel

Nhlamuselo

Tinta Barocca i madiriva ya wayeni yotshuka lawa ya tirhisiwaka kuhumelerisa tiwayeni toka tinga nyanganyi. Yi humelela endzhaku kaloko kuhlanganisiwe Marufo na Touriga Naçional.

Ntumbuluko

Tinta Barocca yitumbuluke endzhawini ya Douro valley en’walungwini wa Portugal, laha mbewu yayona yinga hlawuriwa hi 1899.

Mavito Yan’wana

Khale ayitiveka hi mavito yofana na Tinta Barroca, Baroccas, Boca de mina, Tinta das Barrocas, Tinta gorda, Tinta grossa na Tinta vigaria.

Vuhumelerisi e Afrika Dzonga

Tinta Barocca yitisiwe rosungula kusuka e Portugal eka malembe yale kuheleni kava 1920s. Ekusunguleni akuri na varimi lava avayi hlanganisa na Shiraz, kambe endzhaku ko vona xihoxo lexi avaxi endla hiku humelerisa tiwayeni ta xiyimo xale henhla laha misaveni. Ku laveka ka wayeni leyi eka malembe lawa yanga hundza swiendle leswaku na varimi valaha tikweni ra Afrika Dzonga vasungula ku endla wayeni ya xiyimo xale henhla hikutirhisa madiriva lawa.
Afrika Dzonga yina matimu yoleha swinene yakuhumelerisa tiwayeni ta Port, kambe avanga pfumeleriwi kutirhisa vito ra Port kusukela hi January 2012 endzhaku kaloko va sayine ntwanano nava European Union. Kusukela kwalano, ti“Port”-style wines tisungule ku cheriwa emabodlheleni laha aku tirhisiwa rito Cape, leri ari landzeriwa hi xitayele xa wayeni yaleyo.
Kuya hiva Cape Port Producers Association, lebulu ya Cape White yitirhisiwa eka ti wayeni ta fortified leti endliweke hi madiriva lawa yangariki ya muscat, kufana na Chardonnay, Chenin blanc kumbe Verdehlo, kasi Cape Pink yihlayiseriwe ti fortified rosé letingana pink hue. Hivumbirhi ka tinxaka leti tifanele kutshikiwa tivupfa kuringana 6 watinwheti leswaku tita fikelela khwalithi leyilavekaka.
Kasi Cape Ruby label yona yitirhisiwa eka letinga tintsongo hivukhale, leti teleke mihandzu. Tihambanile na Cape Tawny hikokwalaho ka leswi hafu ya tiwayeni leti tirhisiwaka ku endla yona tifanele kuva tishamile 6 watinhweti kambe tinga hundzisi malembe yanharhu. Hiku komisa, kwalomu ka 80% watiwayeni leti tirhisiwaka ku endla Cape Tawny tifanele kuva titshame kuringana 6 wa malembe.
Cape dated kumbe Vintage Tawny natona tifanele kuva titshame kuringana 6 wamalembe, naswona yifanele kuva yi endliwe hi madiriva lawa yanga tshoveriwa hi lembe rokarhi – himarito yanwana, yifanele yiva single vintage. Cape Late Bottled Vintage label yona yitirhisiwa eka tiwayeni letinga vekiwa tivupfa endzeni ka khuwani kumbe ebodlheleni kuringana malembe yanharhu, laha kulanguteriwaka malembe yambirhi loko kuriku ayi vekiwe endzeni ka khuwani.
Ku engetela eka sweswo, 85% wati wayeni tale mabodlheleni tifanele kuva tiri ti single vintage. Cape Vintage yitirhisiwa eka tiwayeni to dzwihala kusuka eka single vintage leyinga hlayisiwa kuringana lembe rin’we, kasi Cape Vintage Reserve yitirhisiwa eka leswi vahumelerisi vaswivitanaka superior Cape Vintage wines.

Tindzhawu ta Vuhumelerisi

Ndzhawu leyinga e hansi ka Tinta Barocca e Afrika Dzonga yihungutekile swinene kuya eka hafu kusukela hi 1980s, hikokwalaho ka kuhunguteka ka misava hinkwayo ka kulaveka ka muxaka lowu wa Port-style wines. Kasi kuna ti hectare tintsongo leti kumekaka leti humelerisaka wayeni leyi, masimu yakulu yakumeka e Swartland, Little Karoo xikanwe na Stellenbosch. Leswi swikatsa nhlayo ya 3 kota eka nhlayo hinkwayo leyi humelerisaka Tinta Barocca etikweni hinkwaro.

Ku Kula

Nsinya lowu wakula swinene lero wutlhela marhavi yawona yakokova laha ehansi naswona wutsala mihandzu yotala swinene, leyi fambaka exikarhi ka 16 t/ha kuya eka 20 t/ha.

Ku Vupfa

Grapes ripen mid-season, from the middle of March.

Mihandzu

Mihandzu yakona ayi kulanga ngopfu, iya xivumbeko xa oval naswona iya ntima hi muhlovo. Nhlonge ya wona yilarile no tsindziyela kasi swale ndzeni switiyerile nyana switlhela swiva na swimatani.

Matluka

©Glenneis Kriel
Matluka ya wona yakurile, yava na mbhovo na swiave swinharhu yatlhela yava na muhlovo wa rihlaza rovonikela.

Switsotswana na Mavabyi

Tinta Barocca yichava ngopfu downy na powdery mildew.

Ku Tirhisiwa

Muxaka lowu wutirhisiwa ku humelerisa tiwayeni ta port-style na letotshuka toka tinga nyanganyi.

Nantswo

Tiwayeni leti tina mihlovo yohambana kusuka eka yotshuka lokuko dzwihala swinene kuya eka leto endla wonge ita ntima naswona tihumelerisa nantswo wa ti berry xikan’we na mihandzu.

Translated by Ike Ngobeni