Switsundzuxo swo hlayisa tihuku

© Chris Daly

Loko unga se sungula bindzu ra tihuku ufanele u sungula hiku languta milawu leyi fambelanaka na ku endla bindzu rotani eka ndzhawu yaka nwina. Milawu leyi yahamban akuya hitindzhawu naswona yilawula nhlayo ya tihuku na swiyimo leswi tifaneleke kuva tiri eka swona. Xikombiso kutava na milawu leyi vulavulaka hi mpfhuka lowu faneleke kuva kona kusuka e ndlwini, switarata xikanwe na ndlela leyi matoto na mavaby ya faneleke ku khomisiwa xiswona.

Kuva ntsena uri na misava yaku sungula purasi aswivuli leswaku u pfumeleriwile kuva u sungula ku fuwa tihuku. Loko kuriku aku se tshama kuva na purasi eka ndzhawu yaleyo, ndzavisiso wa leswi purasi leri ringata khumba mbango hikona wutaa lava ku endliwa. Kunga tlhela kuva na milawu yinwana leyi faneleke ku landzeleriwa hikuva ndzhawu ya vuhumelerisi yifanele kuva eka mpfhuka wokarhi.

Swilaveko swa xivumbeko

©Chris Daly
Xivumbeko xa yindlu kungava lexitshamaka endzhawini yinwe kumbe lexi susiwaka. Nhlayiseko na rihanyo swifanele ku langutisisiwa loko ku kunguhatiwa xivumbeko xa yindlu ya kona. Hixitalo yindlu leyi yifanele kusivela valala kufikelela tihuku, kusirhelela tihuku, ntshamiseko naswona swifanele ku olova kubasisa yindlu yoleyo. Yifanele ku languteka yibasile nale kava makhelwani.

Nkunguhato wa kahle wa laveka loko ku endliwa yindlu ya nkarhi hinkwawo hiku langutisa xiyimo xa mbango. Kuhangalasiwa kahle ka kuhisa, tani hixikombiso, swingava kahle ku ku endla yindlu leyingana matlhelo yoleha yilanguta e dzongeni nale nwalungwini, kasi matlhelo lawa yanga koma yalanguta evupela dyambu nale vuhuma dyambu. Yindlu leyi yifanele kuva yi akiwe hindlela leyinga olovaka kuva mati ya khuluka.

Eka tindlu leti hivumbiri, yo famba famba kumbe leyitshamaka endzhawini yinwe, swina nkoka kuva ku hunga moya. Eka tindlu leti moya wuhungaka hi ntumbuluko, leswi hixitalo swinga durheki, kufanele kuva na mafasitere na makheteni lawa ya pfalekaka no pfuleka kulawula mahiselo na matitimelelo. Mafasitere yanga pfariwa hi darata leyingata sivela swinyenyani swlae handle leswinga tisaka mavabyi.

Nkoka wa makulelo

©Chris Daly
Vukulu bya yindlu byifanele ku tekeriwa enhlokweni. Loko kunga tirhisiwi kahle xipesi swinga kavanyeta mahumeleriselo. Swikahle kusungula kantsongo laha unga ta ngetelela loko nkarhi wuya emahlweni.

Kuya hiva milawu ya matirhelo ya va South African Poultry Association, tihuku letingana 18 wa mavhiki hi vukhale tifanele tikuma kwalomu ka 450 cm² wa xipesi, naswona kufanele kuva na 10 wa tihuku eka ndzhawu yaleyo.

Laha ku kurisiwaka swihukwana, kuva switatiwa kutlula mpimo aswi laveki kuva swihundza 40kg hi square meter, kasi loko swikule kuhundza 4 wa mavhiki ehokweni kulaveka 450 cm hi huku. Kupfumeleriwa 15 wa tihuku eka square meter xinwe kuva tikota ku jikajika. Ku leha ka xihahlu na tindlu ta kona swifanele kupfumelela kuva nhloko ya huku yifamba famba kahle loko huku yiyimile.

Kasi eka xihahlu lexi kufambafambiwaka na xona swina nkoka kuva kusiveriwa kudyangopfu hi tihuku laha kufanele kupfumeleriwa ndzhawu yinwe kuva yivuyelela loko kunga se tlheriseriwa xihahlu.