Switirhisiwa Swobasisa

©Judy Stuart
Ku hanya kahle na rihanyu lerinene ra mimpfundla swiya hi mphakelo wa kahle wa swakudya xikanwe naku tiyisisa leswaku nayona yitshama yibasile himinkarhi hinkwayo.
Leswi swivula leswaku swina nkoka swinene kuva na switirhisiwa swa kahle swobasisa ndzhawu leyi kutshamaka mimpfundla, endzeni nale handle, swihahlu xikanwe na switirhisiwa swoleswo.
Nkukulu wotiyela na foxolo swina nkoka kubasisa e hansi leswaku ku basa kuku paa. Ndzhawu leyi baseke yisivela vukona bya tinyoka na makondlo exihahlwini hikuva leswi hiswona swidlayaka swifuwo leswi naswona hivumbirhi ka swona aswi tsakeli laha kunga kukuriwa kubasa.
Loko swihahlu leswi swi endliwe e henhla ka ndzhawu leyingana concrete swikahle kusungula ku cheriwa sawdust eswihahlwini.
Leswi swiendla leswaku loko kufika mitsakamisi na mati swifika swinghenelela eka sawdust leswi sivelaka leswaku kuva na tinhongani eka ndzhawu yoleyo.
Loko kuriku xihahlu lexi xi endliwe hi timhandzi swikahle kuva na scraper lexingata halela laha ku tsakamaka na malongo ya wona. Mimpfundlha yaswikota ku leteriwa leswaku yiti yisa xiyindlwanini eka ndzhawu leyi hlawuriweke “potties”.
Tata xibye xa 45 x 30 cm (like a cat litter tray) hi sawdust ivi uxiveka eka ndzhawu leyinga hlawuleka kwala xihahlwini laha mpfundlha wunga ta yitirhisa tani hi ndzhawu yotipfunela kona.
Mipfundlha hinkwayo yinga tirhisa ndzhawu yinwe ntsena yakutipfunela eka yona. Leswi swiendla leswaku swiolova kubasisa ndzhawu hikuva tray leyi yinga susiwa, yibasisiwa, yihlantswiwa nakuva ku cinciwa saw dust leyinga eka yona.
Swihahlu leswinga endliwa hitinsimbi swilava ku basisiwa hinkarhi wokarhi hiku tirhisa wire brush kususa na hay leyi nga khonama kunwana, manyoro na leswi ndlaleriweke eka mabokisi ya swihahlu.
Bakiti na wheelbarrow swipfuneta kuyisa mati laha kulavaka ku hlantswiwa xikanwe naku susa mikhukhula na manyoro leswi hinkwaswo swifaneleke kuya e nghadeni kuya endla ndhundhuma yawona. Hambi kuri voya bya mpfundla byibasisiwa byiya katsiwa na manyoro kwale ndhundhumeni.

Translated by Ike Ngobeni