Swilemukiso swo Phamela Tihuku

© Chris Daly

Kuphamela swakudya i swinwana leswi durhaka swinene eka bindzu ra tihuku, minkarhi yinwana switeka kwalomu ka 50% wa mali leyi tirhisiwaka hi van’wamapurasi. Hambiswiritano kuna ndlela yo hunguta minxavo leyi yale henhla naku tirhisa sweswintsongo swinga kona:

Kuva na Switirhisiwa Swotala

©Chris Daly
Kuxava nhlayo yintsongo ya swakudya hiku tirhisa vanhu vale xikarhi swidurha ngopfu. Ku hlula xiphiqo lexi, Dr Charlotte Nkuna wa va South African Poultry Association u tsundzuxa eka Farmer’s Weekly article leswaku vanwamapurasi vaxava switirhisiwa hinkwaswo leswi vaswilavaka kufana na swihukwana, swakudya, mirhi na swondlalela switele kusuka eka vaxavisi. Leswi swinga twala onge aswifikeleleki ngopfu ngopfu loko vari ekule na kule, kambe van’wamapurasi vanga burisani xikanwe no ringeta ku kuma swintshuxo eka swiphiqo leswi.

Unga Tirhisi Swakudya swa Khwalithi Yale Hansi

Loko u xava swakudya, tiyisisa leswaku u xava eka vaxavisi lava tivekaka. Xiphiqo xa swakudya swoka swingari swa khwalithi iku swinga siya tihuku tikarhi ti xota swinwana swakudya leswinga endlaka leswaku swinga vuyisi mihandzu, kukula kumbe swivangela tihuku mavabyi. Swakudya leswinga bola naswona swivanga vamabyi.
Kahle kahle swakudya swifanele kuva swa khwalithi leyinga ringanela swifuwo. Swakudya swa swihukwana, xikombiso, swifanele kuva na matimba yotala nati protein leswi pfunaka kuva swihatla swikula.
Xana iyini swakudya swa khwalithi?
  • Swakudya leswi swifanele swingari na nchumu leswinga vabyisaka tihuku.
  • Swifanele kuva leswi tengeke xikanwe no ka swinga kurhanga. Aswifanelanga swiva na risema naswona swifanele ku languteka kahle
  • Swifanele ku endliwa kusuka eka swimakiwa swa khwalithi
  • Swimakiwa leswi swifanele kuva swifana naswona ti batch atifanelanga tihambana
  • Kufanele kuva na batch number, siku ro endliwa nati foni number to kotisa kulandzelerisa loko swinwana swinga fambi kahle

Nhlayiso wa Kahle

©Chris Daly
Nhlayiso wa kahle wa swakudya swipfuna kusivela khwalithi ya swakudya. Loko swakudya swiva swakhale, swilahlekeriwa hinkoka leswivulaka leswaku kulaveka swakudya swotala kutiyisisa leswaku tihuku tikuma swakudya leswinga ringanela leswaku tihanya kahle. Swakudya swoka swingari kahle swi engetelela khombo ra mavabyi.
Poultry World yina switsundzuxo swamahlayiselo ya swakudya:
  • Swakudya swifanele kutshama swi omile, swititimela, swingavi e dyambyini naswona eka ndzhawu leyi nghenaka moya
  • Swifanele kuva swihlayisekile eka vermin na switsotswana swinwana, kungari ku sirhelela swakudya ntsena kambe switsotswana swinga onha swakudya.
  • Swakudya aswifanelanga kuva switshama e hansi kusivela leswaku swinga tiyi.
  • Swifanele ku vekiwa kule na ti khemikali na swidzidziharisi.
  • Loko swivekiwa emathinini, thini ri fanele ku basisiwa loko kunga se cheriwa swakudya swintshwa
  • Tindzhawu leti ku vekiwaka eka tona swakudya tifanele kubasisiwa

Endla swa Wena

©Chris Daly
Loko ufanele ku kuma swakudya swakahle kufana na, mavele, soya, fishmeal, bran na sunflower, unga tihumelerisela hiwexe swakudya. Vutisa munhu loyi atirhaka hiswona kumbe loyi a tirhanaka na swakudya swa swiharhi ku endla swakudya leswinga ringanela leswingata pfuna kufikelela swilaveko swa tihuku eka swiyimo swohambana hambana swo humelerisa.
Eka hungu leringa eka Poultrysite.com, Jan Grobbelaar wa Dumela Poultry Solutions una switsundzuxo leswi landzelaka eka van’wamapurasi lava tsandzekaka ku xava swakudya. Xosungula, vanga humelerisa matandza ya switsotswana leswi hahaka kunyikela swinyenyana. Leswi swinga endliwa hiku veka swakudya swobola, kufana na khavichi, endzeni ka bakiti leri cikinyaka eka pala. Swakudya leswi switavitana tinhongani letingata tshikela matandza eka rona. Mimbhovo yifanele ku boxiwa e hansi ka bakiti leri, se swivanana switaya laha hansi ka rona. Rinwana bakiti rifanele kuva rivekiwa laha hansi leswi vulaka leswaku swivanana leswi swiya eka leringa hansi bakiti.
Ndlela ya vumbirhi iku femba majenje. Kuva na kuhumelerisiwa kakahle, Grobbelaar u dyondzisa vanwamapurasi kuva vapfula xitshuka hikuva u boxa mbhovo. Mbhovo lowu wufanele ku pfariwa hi byasi leswaku xisaka xitavuyeleleka. Swita teka 9 wa tinhweti kuva xisaka lexi xitlhela xitshoveriwa nakambe.
Ndlela yinwana iku nyikela mavele lawa ya bolaka lawa yanga ringanelangiki ku dyiwa hi vanhu. Hambi leswi swingana khombo rotisa mavabyi, khombo rakona rile hansi swinene ekatihuku leti tilavelaka swakudya hikuva tona titiyerile nyana kutlula leti fuyeriwaka ku xavisiwa naswona tikota ku dya swakudya swohambana hambana.

Translated by Ike Ngobeni