Ruby Cabernet

Nhlamuselo

Ruby Cabernet i madiriva yo endla wayeni yotshuka leyinga tumbuluxiwa hi lembe ra 1936 hi Dr Harold Olmo wale University ya California, laha kunga hundza tinwana tofana na Carignan xikan’we na Cabernet Sauvignon.

Ntumbuluko

Dr Olmo u humelerise Ruby Cabernet ku phakela eka xiyenge xa wayeni e California laha anga yisa tiwayeni tohambana hambana leti kotaka ku kondelela hambi maxelo ya hisa swinene laha wayeni ya Cabernet Sauvignon yi xanisekaka swinene.

Ruby Cabernet, loko swiritano, yihumelerisiwile leswaku yitava na swikhedzakhedzani swa khwalithi swa Cabernet Sauvignon naku tiyela ka Carignan.

Wayeni leyi yihumesiwe rosungula kuva yi xavisiwa hi lembe ra 1948 laha yinga vuya yi duma hi malembe yava 1960s.

Muxaka lowu wukota ku tirha kahle eka maxelo lawa ya kufumelaka, khwalithi yo antswa leyi humesiwaka hi wayeni leyi yifananisiwa na madiriva lawa ya humaka eka tindzhawu to titimela.

Mavito Yan’wana

Ku hava

Vuhumelerisi e Afrika Dzonga

Madiriva lawa ya byariwe rosungula laha Afrika Dzonga hi 1982 naswona ndzhawu yavuhumelerisi se yikurile ku hundza eka 2 000 ha.

Tindzhawu ta Vuhumelerisi

Wayeni leyi yihumelerisiwa eka tindzhawu hinkwato to humelerisa wayeni laha Afrika Dzonga, laha Robertson na Breedekloof tingana tindzhawu tikulu ta vuhumelerisi.

Ku Kula

Nsinya wakona wa kula nova navuswikoti byo humelerisa kufika ka 4 kumbe kutla hi hectare ku tlula Cabernet Sauvignon. Vuhumelerisi byi fika exikarhi ka 20 t/ha kuya eka 30 t/ha. Swakoteka kuva yi tshoveriwa na himuchini ngopfu ngopfu loko yibyariwile eka ndzhawu leyikulu.

Ku Vupfa

Madiriva yakona ya vupfa se kuri khale exikarhi ka nguva, kusuka eka hafu yavumbirhi ya March.

Mihandzu

Nsinya lowu wuhumesa mihandzu leyintsongo yaxivumbeko xa oval leyi hundzukaka ya muhlowo wa wasi wodzwihala kuya eka ntima loko ya vupfile. Nhlonge ya wona yibumburile kasi le ndzeni kuna mati lawa yangana nantswo wa kahle swinene.

Matluka

Matluka yakona hi lama kulu, ya rihlaza rodzwihala, ya hatima yatlhela yava na swiave swinharhu kumbe ntlhanu.

Switsotswana na Mavabyi

Ya khumbeka kantsongo hi mavabyi ya downy mildew na botrytis.

Switirhisiwa

Yatala kutirhisiwa ku humelerisa wayeni yinwe, kambe madiriva yotala yatirhisiwa ku katsiwa eka tiwayeni totala na leti cheriwaka emabokisini. Wayeni leyi yikota ku hatla yi vupfa kutlula Cabernet Sauvignon naswona xikongomelo i kuva yi nwiwa yaha ku endliwa.

Nantswo

Muxaka lowu wuna natswo lowu fambelanaka na berry xikanwe na byasi.Translated by Ike Ngobeni