Nyama yampfundla yilarile, i yo basa naswona yi hanye kahle kuyi dya. Ayina mafurha, laha mafurha eka ntsumbu hinkwawo yakumekaka ekusuhi na tinswu xikan’we nale ka makatla ya wona. Nyama leyi yina ti protein totala eka yona (tinga fika eka 20% kuya hileswi awu dya swona) naswona mafurha ya wona yale hansi swinene. Leyi i nyama ya kahle swinene kuva yidyiwa hi vanhu na vanhu lava tinghenisaka eka swa mintlangu hikuva yi hatlisa ku pfuveleka.
Nyama ya mpfundla yinga tirhisiwa eka recipe yin’wana na yin’wana leyinga kongomisiwa eka nyama ya huku, kambe yifanele ku tlhogomeriwa leswaku yinga vupfi ngopfu hikuva yinga tsindziyela kutani yingaha dyeki yi oma. Tani hileswi kungariki na mafurha eka nyama leyi, kuyi tota marinade a swipfuni kuva yitshama yirikarhi yitsakama. Marinade yinga endliwa hi mafurha, tomato sauce, wayeni, garlic, munyu na viriviri kumbe xin’wana na xin’wana lexinga kona kumbe mitsembyana yofana na parsley na thyme.
Ndlela leyi rhandziwaka yo sweka nyama leyi ikuva yi byabyisiwa hi mati laha ungata chela stock. Stock kungava swirho leswinga tsemeleriwa kukatsa na nhloko, tinsu, mbilu na swirho swinwana. U katsa tinyala, carrots, garlic, mafurha nyana kusuka eka huku kambe u siya xivindzi. Stock cubes – ta huku kumbe chilli – kungava nhlangano wa kahle. Endzhaku ko yivirisa, yitsemeleli yiva swiphemu leswintsongo, chela tandza na mahlahla ya xinkwa kutani u katinga hi mafurha. Switshike swinghenelelana swivupfa kutani uti phina hi nyama leyi.
Nyama ya mpfundla yinga swekiwa eka ndzilo lowunga pfuleka. Tota marinade eka nyama kusungula kutani uyi sweka hiku hatlisa kusivela leswaku yinga omi. Kuyivirisa kusungula kutani uyi tota marinade naswona swa amukeriwa swinene leswaku nyama leyi yitava na muthotho wa kahle swinene.
Swivindzi swa mpfundla naswona swinga endliwa swakudya swoxawula swinene, hiku tirhisa mitsembyana, tinyala, botere, sherry kumbe brandy leswaku xitava na nantswo wohlawuleka lowu tsokombelaka. Sweka xivindzi na mitsembyana ku kondza kutsakama ka tinyala na xivindzi swihungutekile. Swisuse endzilweni, u tota boter na byala kutani u hakasa kukondza swihlangana.
Translated by Ike Ngobeni